🛑भाजपच्या महिला मोर्चा कुडाळ च्या वतीने चला खेळूया मंगळागौर खास कार्यक्रम.

🖋️लोकसंवाद /- समिल जळवी,कुडाळ.

भारतीय जनता पार्टी,महिला मोर्चा कुडाळ च्या माध्यमातून चला खेळूया मंगळागौर हा खास श्रावणातील पारंपारिक खेळ,फुगडी, उखाणे आणि हळदी कुंकू कार्यक्रम सोमवार दिनांक ११ ऑगस्ट २०२५ रोजी महालक्ष्मी हॉल, कुडाळ येथे आयोजित करण्यात आला आहे.कार्यक्रमाचे उद्घाटन आपल्याच जिल्ह्यातील उत्कृष्ट अभिनेत्री सौ.श्रद्धा खानोलकर यांच्या शुभहस्ते आणि भाजपा महिला जिल्हाध्यक्षा सौ.श्वेता कोरगावकर,भाजपा राज्य परिषद सदस्य सौ.संध्या तेरसे यांच्या प्रमुख उपस्थितीत होणार आहे.या कार्यक्रमाला सर्व महिलांनी उपस्थित राहून मंगळागौर खेळाचा आनंद घ्यावा.

भारतीय जनता पार्टी च्या वतीने नेहमीच विविध माध्यमांतून -उपक्रमांमधून आपली संस्कृती जपण्याचा , संवर्धन करण्याचा प्रयत्न असतो.खास करुन महिला मोर्चाच्या माध्यमातून रक्षाब़धन,कन्यापुजन , हळदी कुंकू,फुगडी ,रांगोळी स्पर्धा ,असे विविध उपक्रम घेण्यात येतात.या उपक्रमांतून समाजातील सर्व स्तरातील महिला भगिनींना सोबत घेऊन येणार्या नवीन पिढीमधे आपल्या संस्कृतीची ओढ निर्माण करणे ,अनेक ठिकाणी लुप्त जाणारे आपले पारंपारिक खेळ यांचं पुनरुज्जीवन करण्याचा सर्वांना सोबत घेऊन एक चांगला प्रयत्न आम्ही भारतीय जनता पार्टी च्या माध्यमातून सातत्याने करत आहोत.

श्रावण महिना हा खरं तर लेकी – सुनांचा ,माहेरवाशीणींचा आवडता महिना,याच महिन्यात आपल्या सख्यांसोबत झिम्मा फुगडी खेळत पुन्हा पुन्हा भरभरून उरात आनंद साठवुन घेतला जातो. निसर्गाच्या हिरवाई सोबत संपुर्ण आसमंतात इंद्रधनुचा मनमोहक खेळ सुरु असतो .हे सर्व जगण्याला अर्थ प्राप्त करुन देणारे आनंदाचे क्षण आज हरवत चालले आहेत त्यांना हरवू न देता त्याचा पुन्हा नव्याने आनंद लुटावा याच साठी आम्ही भारतीय जनता पार्टी च्या महिलांनी हा खास श्रावणातील *चला खेळूया मंगळागौर* कार्यक्रम आयोजित केला आहे,तरी जास्तीत जास्त महिलांनी हा कार्यक्रम नुसता पाहायला नाही तर झिम्मा – फुगडी खेळायला आपली लेकी- सुना आणि मैत्रिणींना घेऊन आवर्जून उपस्थित रहावे,हे आग्रहाचे आणि प्रेमाचे निमंत्रण.सौ.आरती पाटील
मंडल अध्यक्ष,भारतीय जनता पार्टी महिला मोर्चा, कुडाळ.