🛑भोगवे ग्रामपंचायतसाठी जलक्रीडा उपकरणे खरेदीसाठी आणि किल्ले निवती येथे समुद्रकिना-या नजीक जेटी बांधणेसाठी निधी मंजूर करा.

◼️रुपेश पावसकर यांची पालकमंत्री नितेश राणे यांच्याकडे मागणी.

🖋️लोकसंवाद /- कणकवली.

भोगवे गाव हा पर्यटन गाव आहे.येथे हजारो पर्यटक दरवर्षी भेट देतात,भोगवे गावात ऐतिहासिक शिवकालीन किल्ला, तसेच स्वच्छ समुद्रकिनारे गोल्डन रॉक अशी पर्यटन स्थळे आहेत. समुद्रावर जलक्रिडा सुरु केल्यास पर्यटकांचा ओघ अजून वाढू शकतो. तरी आपल्या माध्यमातून भोगवे ग्रामपंचायतीसाठी जलक्रिडा उपकरणे खरेदी करणे.अंदाजित रक्कम ४० लक्ष) मंजूर व्हावेत अशी मागणी उदयोजक श्री.रुपेश पावसकर यांनी पालकमंत्री नितेश राणे यांच्याकडे लेखी निवेदन देत केली आहे.

तसेच दरवर्षी पावसाळ्यात याठिकाणी मोठ्या प्रमाणात शेती केली जाते.पावसाळी उधाणाच्या भरतीच्या वेळी या शेतजमिनीमध्ये समुद्राचे खारे पाणी घुसते.त्यामुळे शेतीचे मोठ्या प्रमाणात नुकसान होते. तसेच समुद्री वादळांच्या वेळी मोठ्या प्रमाणात समुद्राचे पाणी या शेतजमिनी मध्ये तसेच माडबागायतीमध्ये आत शिरल्यामुळे जमिनी नापीक होण्याचा धोका वाढत आहे.त्यामुळे किल्ले निवती येथे समुद्रकिना-या नजीक जेटी बांधणेसाठी निधी मंजूर करावा असे रुपेश पावसकर यांनी आपल्या निवेदनात म्हटले आहे.