🛑सिद्धिविनायक बिडवलकर खुन प्रकरणी वल्लभ उर्फ अमोल शिरसाट यांची जमिनावर मुक्तता.;ॲड. विवेक मांडकुलकर यांचा युक्तिवाद.

🖋️लोकसंवाद /-  कुडाळ.

सिद्धिविनायक उर्फ पक्या अंकुश बिडवलकर यांचा पळून घेऊन जाऊन घातपात केल्या प्रकरणी आरोपी वल्लभ उर्फ अमोल श्रीरंग शिरसाट यांची आज दिनांक 14.07.2025 रोजी जिल्हा न्याधीश श्रीम.व्हि, एस.देशमुख यांनी जामिनावर मुक्ततेचा आदेश केला.आरोपीच्या वतीने तर्फे ॲड. विवेक भालचंद्र मांडकुलकर यांनी केलेला युक्तिवाद ग्राह्य मानून जामिनावर मुक्तता केला.आणि ॲड. प्रणाली मोरे,ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.

सेशन केस नं.५५/२०२५ चे कामी आरोपी याच्यावर भारतीय दंडविधान संहिताचे कलम ३०२,३६४,२०१,१२०(ब),३४ अन्वये केस दाखल केला.
याबाबत गुन्ह्याची प्राथमीक हकीकत अशी कि, दिनांक ०९/०४/२०२५ रोजी मालती मधुकर चव्हाण व.व. ५०, रा.मु.पो. चेंदवण, नाईकनगर, ता. कुडाळ जि. सिंधुदुर्ग यांनी देलेल्या फिर्यादी वरून निवती पोलीसांनी सदरचा गुन्हा, नं. १२/२०२५ दाखल केला सदर गुन्ह्याच्या फिर्यादीच्या कथनावरून सिद्धिविनायक उर्फ पक्या अंकुश बिडवलकर हा कुडाळ येथे सिद्धेश अशोक शिरसाट यांच्या कडे कामास होता. ३ वर्षा पूर्वी बिडवलकर यांनी आपणास सांगितले होते कि सिद्धेश शिरसाट यांच्याकडून आपण पैसे घेतले आहेत त्यावेळी मी त्याला कामास जाऊ नको असे सांगितले त्यावेळी सिद्धेश यांनी बिडवलकर यास कामास बोलवून घेतले होते सन २०२३ चे गुढीपाडव्याच्या सणाच्या पूर्वी बिडवलकर चेंदवण येथे आला होता गुढीपाडव्याच्या सणा नंतर १० ते १५ दिवसांनी आपण चेंदवण येथे घरी आले त्यावेळी बिडवलकर याची मुकबधीर मावशी शशिकला चव्हाण यांनी खाणाखुणा द्वारे सांगितले कि, पक्या यास पहाटे सिद्धेश शिरसाट व त्याच्या सोबतच्या तीन इसमाने गाडीतून येऊन जबरदस्ती घेऊन गेले. म्हणून मालती चव्हाण हिने सिद्धेश शिरसाट राहणार कुडाळ, कामगार गणेश नार्वेकर राहणार माणगाव, सर्वेश केरकर राहणार सातार्डा आणि अमोल शिरसाट राहणार कुडाळ यांच्या विरुद्ध तब्बल दोन वर्षा नंतर फिर्याद दाखल केली त्या अनुषंगाने निवती पोलीस ठाणे यांनी वर नमूद सिद्धेश शिरसाट, गणेश नार्वेकर, सर्वेश केरकर, अमोल शिरसाट यांच्या विरुद्ध भारतीय दंड संहिता १८६० अन्वये ३६४,३४ अन्वये गुन्हा रजिष्टर नं. १२/२०२५ अन्वये गुन्हा दाखल करून त्यांना १०/०४/२०२५ रोजी अटक करून त्याच दिवशी कुडाळ येथील न्यायदंडाधिकारी यांच्या न्यायाल्यात रिमांड रिपोर्ट समवेत हजर करून सात दिवसाची पोलीस कस्टडी ची मागणी केली मेहरबान न्यायांलाने १९/०४/२०२५ पर्यंत पोलीस कस्टडी दिली.
दिनांक १३/०४/२०२५ रोजी आरोपी क्र. १ ते ४ विरुद्ध मे. न्यायालयात रिमांड रिपोर्ट समवेत त्यांना हजर करून पूर्वीच्या रिमांड रिपोर्ट मधील कलमे बदलून भारतीय दंड संहिता १८६० अन्वये ३०२,३६४,२०१,१२०(ब) व ३४ अन्वये हजर करून १ ते ३ यांची पोलीस कस्टडी वाढवण्याची मागणी केली व आरोपी क्र. ४ म्हणजेच अर्जदार याला आजारपणाच्या कारणास्तव न्यालयीन कोठडीची मागणी केली त्या अनुषंगाने मे. न्यायालयाने आरोपी नं. १ ते ३ यांना १५/०४/२०२५ पर्यंत पोलीस कस्टडी वाढवून दिली व आरोपी नं. ४ ला मे. न्यायालयांने न्यायलयीन कोठडीत ठेवण्याचा आदेश केला.

दिनांक १४/०४/२०२५ रोजी निवती पोलीस ठाणे यांनी आरोपी नं.१ याची प्रकृती बिघडल्याने त्याची न्यायलयीन कोठडीची मागणी केली. मे. न्यायालयांने क्र. १ ला न्यायलयीन कोठडीत ठेवण्याचा आदेश केला.
दिनांक १५/०४/२०२५ रोजी आरोपी नं. २ आणि ३ यांना मे. न्यायालयात रिमांड रिपोर्ट समवेत हजर करून न्यालयीन कोठडीची मागणी केली त्या अनुषंगाने मे. न्यायालयाने आरोपी नं. २ आणि ३ यांना न्यायलयीन कोठडीत ठेवण्याचा आदेश केला.
दिनांक १८/०४/२०२५ रोजी आरोपी क्र. १,३, व ४ यांना पुन्हा ताब्यात घेण्या संधर्भात मे. न्यायालयाकडे अर्ज केला आणि त्या अनुषंगाने मे. न्यायालयाने आरोपीयांना १९/०४/२०२५ रोजी न्यायालयात हजर करण्या संधर्भातचा आदेश केला.

दिनांक १८/०४/२०२५ अर्जदार (आरोपी क्र.६) याला अटक करण्यात आली व दिनांक १९/०४/२०२५ रोजी आरोपी नं. १,३,४,५ व ६ यांना मे. न्यायालयात रिमांड रिपोर्ट समवेत हजर करून पोलीस कस्टडीची मागणी केली त्या अनुषंगाने मे. न्यायालयाने आरोपी नं. १,३,४,५ व ६ यांना २२/०४/२०२५ पर्यंत पोलीस कस्टडी मंजूर केली.
दिनांक २२/०४/२०२५ रोजी आरोपी नं.१,३,४,५ व ६ यांना मे. न्यायालयात रिमांड रिपोर्ट समवेत हजर करून न्यालयीन कोठडीची मागणी केली त्या अनुषंगाने मे. न्यायालयाने आरोपी नं. १,३,४,५ व ६ यांना न्यायलयीन कोठडीत ठेवण्याचा आदेश केला.
आरोपी वल्लभ उर्फ अमोल श्रीरंग शिरसाट हा रुग्णालयात ऍडमिट आहे.

सदरचा गुन्हा सेशन ट्रायबल असल्या कारणाने त्या गुन्ह्याच्या कामी आरोपी तर्फे ॲड. विवेक भालचंद्र मांडकुलकर यांनी जिल्हा न्यायालयात दिनांक ०२/०७/२०२५ रोजी दाखल केला व त्याची सुनावणी १०/०७/२०२५ रोजी झाली. मे न्यायालया समोर झालेला युक्तिवाद मे. न्यायालयाने ग्राह्य मानून व दाखल केलेल्या कागदपत्रांचा विचार करून आरोपीला योग्य त अटी-शर्तीवर व ५० हजार रुपये रक्कमेच्या जामिनावर मुक्तता करण्यात आली. आरोपीच्या वतीने ॲड. विवेक मांडकुलकर, ॲड. प्रणाली मोरे,ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.