🛑येत्या आठ दिवसांत पिकांचे पंचनामे करावेत अन्यथा तहसीलदारांविरोधात ‘आक्रोश मोर्चा’ काढू.;संजू परब.

🖋️लोकसंवाद /- सावंतवाडी.

अवकाळी पावसामुळे मिरची आणि कोकम या उभ्या पिकांचे मोठ्या प्रमाणात नुकसान झाले आहे.मात्र याबाबत तहसीलदार व कृषी खात्याकडून कोणतीही ठोस कार्यवाही झालेली नाही.त्यामुळे येत्या आठ दिवसांत गावातील तलाठ्यांनी जाऊन पिकांचे पंचनामे करावेत, अन्यथा कृषी खाते आणि तहसीलदारांविरोधात ‘आक्रोश मोर्चा’ काढण्याचा इशारा शिवसेनेचे जिल्हाप्रमुख संजू परब यांनी दिला आहे. दरम्यान शेतकऱ्यांच्या कामांचा प्रश्न येतो, तेव्हा तहसीलदार आणि कृषी खाते पूर्णपणे गायब होतात, असा आरोप करीत तहसीलदार आणि त्यांचे पथक फक्त रेती आणि वाळूचे डंपर अडवण्यासाठी आणि त्यांचे आर्थिक हितसंबंध जपण्यासाठी अधिक सक्रिय दिसतात. “जिथे रेती आणि वाळूचे डंपर आढळतात, तिथे तहसीलदार स्वतः उपस्थित असतात. यात ते एवढे का गुंतलेले असतात? असा सवाल आज येथे आयोजित पत्रकार परिषदेत दिला.

श्री. परब यांनी आपल्या कार्यालयात पत्रकार परिषद घेतली. यावेळी बंटी पुरोहित उपस्थित होते. यावेळी ते पुढे म्हणाले, तहसीलदार आणि त्यांचे पथक फक्त रेती आणि वाळूचे डंपर अडवण्यासाठी आणि त्यांचे आर्थिक हितसंबंध जपण्यासाठी अधिक सक्रिय दिसतात. “जिथे रेती आणि वाळूचे डंपर आढळतात, तिथे तहसीलदार स्वतः उपस्थित असतात. यात ते एवढे का गुंतलेले असतात? असा सवाल करीत शेतकऱ्यांचे नुकसान झाले असो वा नसो, तहसीलदारांनी आणि कृषी खात्याने पिकांचे पंचनामे करणे अत्यंत गरजेचे आहे, मात्र तसे कोणतेही काम अद्याप झालेले नाही.

त्यामुळे येत्या आठ दिवसांत गावातील तलाठ्यांनी जाऊन पिकांचे पंचनामे करावेत,अन्यथा कृषी खाते आणि तहसीलदारांविरोधात ‘आक्रोश मोर्चा’ काढण्याचा इशारा दिला आहे.

श्री. परब पुढे म्हणाले, “ज्याचा-त्याचा पक्ष आहे, त्यांना आपापल्या पद्धतीने काम करण्याचा अधिकार आहे.आम्ही आमच्या पद्धतीने काम करत आहोत.येणाऱ्या काळात सावंतवाडी मतदारसंघात शिवसेना पक्ष नंबर एक राहील,” शिवसेना पक्ष चार महिने आधी तयारी करणाऱ्या पक्षांपैकी नाही.आमची तयारी पूर्ण झालेली आहे,आम्ही निवडणुकीची वाट पाहत आहोत,असेही श्री. परब म्हणाले.दरम्यान सावंतवाडी मतदारसंघात उद्भवणाऱ्या वीज पुरवठ्याच्या समस्येबाबत त्यांनी विचारले असता, विज वाहिन्यांचे काम सुरू असताना पाऊस आल्याने मतदारसंघात गेले अनेक लाईट नव्हती. माजी नगराध्यक्ष बबन सावरकर यांनी ११ कोटी रुपये घालवले. ते ११ कोटी आले असते तर मतदारसंघातील लोकांना हा त्रास सहन करावा लागला नसता, असे ते म्हणाले.