🛑रमजान सणाच्या निमित्ताने मिल्लत फाउंडेशन च्या माध्यमातून कारागृहात विविध फळांचा पुरवठा.

🖋️लोकसंवाद /- ओरोस.

सिंधुदुर्ग मिल्लत फाउंडेशन या सेवाभावी संस्थेद्वारे,पवित्र रमजान सणाच्या पार्श्वभूमीवर,सिंधुदुर्ग जिल्हा कारागृह,सिंधुदुर्गनगरी येथे कारागृहात विविध फळांचा पुरवठा करण्यात आला.सिंधुदुर्ग मिल्लत फाउंडेशन या सेवाभावी संस्थेद्वारे,रक्तदान शिबिरांचे आयोजन जिल्ह्यातील विविध ठिकाणी करण्यात येते. तसेच आजारी व्यक्तींना आवश्यकतेनुसार पेशंट बेड, वॉकर, व्हील चेअर, ऑक्सिजन सिलिंडर, इत्यादी साहित्य मोफत उपलब्ध करून दिले जाते.

सिंधुदुर्ग मिल्लत फाउंडेशन ही संस्था सामाजिक बांधिलकी जपत करत असलेले विविध उपक्रम आदर्शवत आहेत. धार्मिक सलोखा आणि सर्वधर्मसमभाव वृद्धिंगत होण्यासाठी संस्था प्रयत्नशील असते.यावेळी कारागृह अधिकारी श्री. लटपटे साहेब यांनी उपस्थितांचे स्वागत केले आणि रमजान सणाच्या शुभेच्छा दिल्या.यावेळी कुडाळ चे माजी नगरसेवक श्री. एजाज नाईक,
हाफिज जहेज शेख, श्री. रिझवान मणीयार, श्री. मुबीन दोस्ती, अनिक नाईक, सनान इकबाल काझी, माझीन सादतहुसेन नाईक, मेहबूब जमादार,जमीर पटेल, मुस्तकीम बागवान, इकबाल शेख
आदी उपस्थित होते.