श्री देव ब्राह्मण आडारी महिला मंडळाचा जागतिक महिला दिनानिमित्त महिला मेळावा संपन्न.

लोकसंवाद /- वेंगुर्ला.

रविवार दिनांक 9 मार्च 2025 रोजी सायंकाळी 4.00 वाजता सौ. सुचिता साळगावकर यांचे अध्यक्षतेखाली श्री देव ब्राह्मण मंदिराच्या प्रांगणात जागतिक महिला दिनानिमित्त महिला मेळावा संपन्न झाला.या कार्यक्रमास प्रमुख पाहुणे श्री.विरेंद्र आडारकर, श्री . मुरलीधर पेडणेकर,श्री . राधाकृष्ण पेडणेकर -ग्रा.पं.सदस्य,श्री आनंद पेडणेकर,श्री.राजेश पेडणेकर आणि श्री बाबी पेडणेकर हे उपस्थित होते.

यावेळी आडारी गावातील ज्येष्ठ भगिनींचा शाल ,श्रीफळ व गुलाबपुष्प देऊन सन्मान करण्यात आला.तसेच उपस्थित पाहुण्यांचा सत्कार करण्यात आला.या महिला दिनानिमित्त आडारीतील महिलांनी विविध नाविन्यपूर्ण सांस्कृतिक कार्यक्रम सादर केले. तसेच महिलांसाठी विविध फनिगेम्स घेऊन विजेत्यांना भेटवस्तू देऊन गौरविण्यात आले.उपस्थित मान्यवरांनी महिलांच्या कलागुणांचे कौतुक केले. यापुढेही असेच उपक्रम राबविण्यास शुभेच्छा देण्यात आल्या.

हा कार्यक्रम यशस्वी करण्यासाठी सौ.नेहा विरेंद्र आडारकर,सौ रुपा मेस्त्री, सौ.रूणाली गवंडे,वृंदा मेस्त्री व इतर सर्व महिलांनी विशेष परिश्रम घेतले.या संपूर्ण कार्यक्रमाचे प्रास्ताविक,निवेदन आणि आभार प्रदर्शन सौ.प्रतिमा राजेश पेडणेकर यांनी केले.