🛑भारताचा ऑस्ट्रेलियावर दणदणीत विजय तर,भारत चॅम्पियन्स ट्रॉफीसाठी फायनलमद्धे प्रवेश.

🖋️लोकसंवाद /- ब्युरो न्यूज.

वर्ल्ड कपच्या फायनलमध्ये ऑस्ट्रेलियाकडून पराभूत झालेल्या भारतीय संघाने त्याचा आज दुबई येथे झालेल्या सामन्यात बदला घेत ऑस्ट्रेलियाचा दणदणीत पराभव करत चॅम्पियन्स ट्रॉफी फायनल मध्ये दिमाखात प्रवेश केला.विराट कोहलीच्या ८४ धावा, विराट-श्रेयसची ९४ धावांची भागीदारी, हार्दिकचे दोन षटकार आणि राहुलच्या विजयी षटकारासह भारताने ऑस्ट्रेलियाकडून आयसीसी स्पर्धांच्या पराभवाचा बदला घेत दणदणीत विजय नोंदवला आहे. भारताने उत्कृष्ट फलंदाजी आणि गोलंदाजीसह ऑस्ट्रेलियाला नमवत शानदार विजय मिळवला आहे. यासह भारताने ऑस्ट्रेलियावर ४ विकेट्सने मोठा विजय मिळवत अंतिम फेरीत धडक मारली आहे.