🛑आजपासून 30 जूनपर्यंत वकिलांना काळ्या कोटचा वापर ऐच्छिक असणार.

🖋️लोकसंवाद  /- मुंबई.

वकिलांना १ मार्च शनिवारपासून येत्या ३० जूनपर्यंत न्यायालयीन कामकाजात काळ्या कोटचा वापर ऐच्छिक असणार आहे.वकील आणि काळा कोट, हे समीकरण ठरलेलेच मात्र, उन्हाचा चटका वाढल्यानंतर पारंपरिक पोशाखात न्यायालयीन कामकाज करताना वकीलवर्गाला शक्य होत नाही.

काळा रंग सूर्यप्रकाश शोषून घेत असल्यामुळे उन्हाळ्यात काळ्या रंगाचे कपडे वापरणे शक्यतो टाळले जाते. त्यानुषंगाने सिव्हिल मॅन्युअलच्या प्रकरण २२ मधील परिच्छेद ६३६ नुसार वकिलांना कोट वापरास आज दि. १ मार्च शनिवारपासून सूट देण्यात आली आहे. त्यानुसार येत्या ३० जूनपर्यंत न्यायालयीन कामकाजात काळ्या कोटचा वापर ऐच्छिक असणार आहे.

न्यायालयात पक्षकारांची बाजू मांडणाऱ्या वकिलांना आपल्या पेशाची ओळख सांभाळण्यासाठी दिवसभर काळ्या कोटातच वावरावे लागते. तरीही उन्हाळ्यात काळ्या कोटचा त्रास होऊ नये, यासाठी यंदा १ मार्च ते ३० जून हे तीन महिने तो न वापरण्याची मुभा दिली आहे.

वकिलांना मात्र कोट घातल्याशिवाय परिपूर्ण वाटत नाही. त्यामुळे मुभा असतानाही ते कोट घालूनच न्यायालयीन कामकाजात सहभागी होतात. याचा सर्व परिणाम आरोग्यावर होण्याची शक्यता असल्याने काळा कोट वापराच्या सवलतीचा विचार वकीलवर्गाकडून होणे गरजेचे आहे, असे डॉक्टरांकडून सांगण्यात येते.

*पुरुष वकिलांसाठी ड्रेस कोड*

पांढरा शर्ट, काळी किंवा राखाडी रंगाची पँट, काळा टाय किंवा पांढरा बँड.

*महिला वकिलांसाठी ड्रेस कोड*

पांढरी किंवा सौम्य रंगाची साडी, सलवार-कुर्ता अथवा काळी पँट, पांढऱ्या शर्टवर पांढरा बँड.