🛑कुडाळ कुडाळ नगरपंचायत च्या कचरा डेपोला आग.

✒️लोकसंवाद /- कुडाळ.

कुडाळ नगरपंचायतीच्या सांगिरडे वाडी येथील कचरा डेपोला आज सकाळी अचानक आग लागली.कचऱ्याने पेट घेतल्याने आगीने काही वेळातच रौद्र रूप धारण केले. कडक ऊन आणि वाऱ्यामुळे आग वेगाने पसरली.आगीची माहिती मिळताच नगरपंचायत प्रशासनाने अग्निशमन बंबासह घटनास्थळी धाव घेतली. आग विझविण्यासाठी अग्निशमन बंबाच्या सहाय्याने पाण्याचा मारा सुरू करण्यात आला. नगरपंचायतीच्या अग्निशमन बंबाने चार ते पाच वेळा पाणी भरून आग आटोक्यात आणण्यासाठी प्रयत्न केले. नगराध्यक्ष प्राजक्ता बांदेकर-शिरवलकर यांनीही पाण्याचा टँकर उपलब्ध करून दिला.सायंकाळपर्यंत आग विझविण्याचे काम सुरू होते.