मनसेनेच्या तक्रारी नंतर कुडाळ नगरपंचायत प्रशासनाने कारवाई करण्यासंदर्भात घेतली दखल..

संत राऊळ महाराज कॉलेज सर्कल नाला अतिक्रमणावर प्रकरण..

लोकसंवाद /- कुडाळ.

कुडाळ शहरातील संत राऊळ महाराज कॉलेज चौकातील नाल्यावर दोघा बिल्डरांकडून झालेल्या अतिक्रमणामुळे,चौकात मोठ्या प्रमाणात पाणी साठून शाळा कॉलेजचे विद्यार्थी,महिला रुग्णालयाकडे जाणारे पेशंट तसेच स्थानिक व्यावसायिक व नागरिक यांना त्रास होत होता.यावर महाराष्ट्र नवनिर्माण सेनेमार्फत आवाज उठविल्यानंतर सुरुवातीच्याच दोन तासांच्या पावसामुळे कॉलेज चौकात मोठ्या प्रमाणात पाणी तुंबले.यामुळे गैरसोय झालेल्या नागरिकांनी तसेच मनसैनिकांनी स्थानिक नगरसेवकांकडे याचा रोष व्यक्त केला.तसेच मोठ्या प्रमाणावरती सोशल मिडीयातुन कुडाळ नगरपंचायतच्या विरोधात पोस्ट व व्हिडिओ व्हायरल झाले,याची दखल घेत कुडाळ नगरपंचायतच्या 17 ही नगरसेवकांनी त्या ठिकाणी नाला /ओहोळाचे रुपांतर लहान काँक्रीट च्या गटारात बांधकाम करून,अतिक्रमण करणाऱ्या बिल्डरांना नगरपंचायत प्रशासनामार्फत दिलेली बांधकाम पूर्व परवानगी रद्द करणे व चुकीच्या पद्धतीने झालेले बांधकाम तोडून टाकणेसाठी या बाबत पत्र दिले.

इतर वेळी एकमेकांच्या विरोधात उभे ठाकणारे सत्ताधारी व विरोधी पक्षाचे नगरसेवक यावेळी मात्र जनतेच्या प्रश्नावर एकत्र आल्याबद्दल महाराष्ट्र नवनिर्माण सेनेने त्यांचे आभार मानले.याबाबत मनसे कडुन सबंधीत नाला / ओहोळ रूंद करुन मिळावा याचा पाठपुरावा नगरपंचायत कडे सुरु आहे.या सर्व घडामोडींवर नगरपंचायत प्रशासन तसेच मुख्याधिकारी काय भूमिका घेणार यावर आता सर्वांचे लक्ष लागून राहिले आहे.