🛑आंदु्र्लेत उडपी कलाकारांचा मराठी चक्रव्युह..

✍🏼लोकसंवाद /- समील जळवी, कुडाळ.

महाभारतातील विर अभिमन्यू चक्रव्यूह पर्वावरील यक्षगान नाट्य कलाकृती सादर करीत,ऊडपी (कर्नाटक) कलावंतांनी आंदु्र्ले येथील नाट्य रसिकांची मने जिंकून घेतली.आणि यक्षगान ह्या कोकणात नव्या लोककलेचा नाट्यानुभव,वेगळीच अनुभूती देऊन गेला.

यक्षगान हे कन्नड भाषेत सादर होते.मात्र,आंदु्र्ले येथे हे नाटक मराठी भाषेत सादर केले गेले. यात, संगीत साथ केवळ मृदल ( मृदंगाचा एक प्रकार)चंडे, मट्टा या वाद्यांनी दिली.मुख्य सुत्रधार हा बागवती असतो. गुरुश्री संजीव सुवर्णा यांनी ही जबाबदारी पेलली. रत्नाकर शेणई यांनी मट्टा वादन करून उत्तम साथ दिली.हे नाट्य महाभारतीय युद्ध प्रसंगावर आधारित आहे.चक्रव्यूह भेदण्यासाठी बाल विर अभिमन्यू ची भुमिका आदित्य भट यांने साकारली. तर अभिर मयोवर यांचा गुरु द्रोणाचार्य भाव खाऊन गेला.या यक्ष (नृत्य)गान नाटकातील सर्व पात्रे ही उच्च शिक्षित आहेत.

गंमत म्हणजे, त्यांना मराठी भाषा येत नाही.तरीही श्री.विजय फातर्फेकर यांनी त्यांना भाषा प्रशिक्षण दिले. व मराठीतील एक अमूल्य यक्षगान कलाकृती रसिकांना पहायला मिळाली.या नाट्यातील जयंद्रथ ही खलनायकी भूमिका ही,रसिकांचा ठाव चुकवुन गेली.ती प्रशांत याने ताकदीने सादर केली. त्याला अंजली मेमन, पल्लवी कुडगी, श्रृती बंगेरा(सुभद्रा), सौम्या , प्रज्ञा, पांडुरंग नाईक,अमृत, वाणी श्रीराव,आदी कलावंतांनी उत्तम साथ दिली.लोकनाट्य असुनही, सुबक सादरीकरण हा मुद्दा प्रकर्षाने जाणवला.

भरजरी वेषभुषेने यक्षगान नाट्य खुलले. त्याला आंदु्र्ले परिसरातील नाट्य प्रेमींनी टाळ्यांच्या गजरात प्रतिसाद दिला.यावेळी,दिगंबर सामंत डॉ अनील तेडोलकर डॉ उमाकांत सामंत विजयकुमार फातर्पेकर सरंच अक्षय तेंडोलकर उपसरपंच गोविदं मोर्ये श्री चामुंडेश्वरी मंदिर समितीचे पदाधिकारी,चंद्रकात पाटील मंडळी संतोष पाटील, कला शिक्षक श्री संदीप साळसकर ग्रामस्थ,आदी उपस्थित होते.आभार श्री.फातर्फेकर यांनी मानले.