🛑अल्पवयीन मुलीचे फोटो व्हायरल प्रकरणी जामिनावर मुक्तता: ॲड.विवेक मांडकुलकर यांचा युक्तिवाद.

✍🏼लोकसंवाद /- कुडाळ.

अल्पवयीन मुलीचे फोटो व्हायरल करण्याची धमकी देऊन जबरदस्तीने शारीरिक संबंध ठेवल्याप्रकरणी न्यायालयीन कोठडीत असणार आरोपी प्रशांत नितीन सावंत रा.वेताळबांबर्डे याची आज ओरोस येथील विशेष न्यायाधीश सौ एस.एस.जोशी यांनी एक लाख रुपयांच्या सशर्त जामीनावर मुक्तता केली.आरोपी तर्फे ॲड विवेक मांडकुलकर,ॲड प्रणाली मोरे, ॲड भुवनेश प्रभुखानोलकर यांनी काम पाहिले.संशयिताने अल्पवयीन मुलीचे नग्न फोटो इंस्टाग्राम व व्हॉट्सॲपद्वारे फोटो मागून घेऊन ते व्हायरल करण्याची धमकी देऊन तिच्याशी जबरदस्तीने शारीरिक संबंध ठेवले आणि मारहाण केली अशी फिर्याद कुडाळ पोलीस स्थानकात देण्यात आली होती.या प्रकरणी भा. द. वि कलम ३७६, ३७६ (२)(j), ३७६ (२) (n), ३५४A(१)(i), ३५४B, ३२३, ५०६, बालकांचे लैंगिक अपराधापासून संरक्षण अधिनियम , २०१२ चे कलम ४,६,८,१०,१२, माहिती तंत्रज्ञान अधिनियम, २००० चे कलम ६६(C) अंतर्गत गुन्हा दाखल करण्यात आला होता.त्यानंतर संशयित आरोपी प्रशांत नितीन सावंत रा .वेताळबांबर्डे यास दिनांक २४/०२/२०२४ रोजी अटक करून विशेष न्यायालयात हजर केल्यावर एक दिवसाची पोलीस कोठडी सुनावण्यात आली होती.त्यानंतर आरोपीची न्यायालयीन कोठडीत रवानगी करण्यात आली होती.दरम्यान आरोपी तर्फे जामीन अर्ज दाखल करण्यात आला होता.आरोपी तर्फे ॲड विवेक मांडकुलकर यांनी केलेला युक्तिवाद ग्राह्य मानून विशेष न्यायालयाने एक लाख रुपयांच्या सशर्त जामीनावर आरोपीची मुक्तता केली.