🛑कोकणातील रेल्वेप्रवासी वेटिंग वरच.;दादर मडगाव लोकल कागदावर.

✍🏼लोकसंवाद /- समील जळवी सिंधुदुर्ग.

गणेश चतुर्थी सणाच्यानिमित्ताने कोकण रेल्वे गाड्यांचे अवघ्या काही मिनिटांत आरक्षण फुल्ल झाले.त्यामुळे पुन्हा एकदा याप्रकराची चौकशी करण्याची मागणी केली जात आहे.चाकरमानी ये जा मोठ्या प्रमाणात करत असल्याने काही रेल्वे कायमच हाऊसफुल्ल धावत आहेत.त्यामुळे छत्रपती शिवाजी महाराज टर्मिनस ते सावंतवाडी पर्यंत कायमस्वरूपी गाडी सोडण्याची मागणी केली जात आहे.परंतु रेल्वे प्रशासनाकडून या मागणीला केराची टोपली दाखवत आहेत वाढत्या प्रवाशी संख्येमुळे दादर सावंतवाडी मडगाव पर्यंत नियमित रेल्वे सोडणे क्रमप्राप्त झाले आहे.

नियमित हाऊसफुल वेटिंग वर असलेल्या गाड्या आणि प्रवाशांची वाढती संख्या लक्षात घेऊन रेल्वे तोट्यात म्हणणाऱ्या रेल्वे प्रशासनाने तात्पुरत्या रेल्वे गाड्या न सोडता कायमस्वरूपी दादर सावंतवाडी मडगाव नियमित रेल्वे सोडावी अशी सातत्याने मागणी होत आहे परंतु या मागणीला प्रतिसाद मिळत आहे उद्या नव्याने निवडून येणाऱ्या खासदारांकडे याबाबतअधिक प्रकर्षाने या मागणीकडे लक्ष द्यावा लागेल असे प्रवाशांचे म्हणणे आहे.

कोकणकन्या एक्स्प्रेस, मांडवी एक्स्प्रेस, तुतारी एक्स्प्रेस, दिवा पॅसेंजर, जनशताब्दी एक्स्प्रेस अशा रेल्वेगाड्यांना गर्दी पाहून कायमस्वरूपी रेल्वे सावंतवाडी पर्यंत धावली पाहिजे. या रेल्वे गाड्यांना कायमच गर्दी असते.रेल्वे तिकीट आरक्षण असले तरी आरक्षण असलेल्या जवळपास वेटींग वर असलेले प्रवासी बसतात त्यामुळे आरक्षण करुनही प्रवाशांची गैरसोय होत आहे. तसेच अचानक जाणाऱ्या,आजारी असलेल्या, किंवा अन्य कारणांमुळे प्रवाशांना जावे लागते त्यांना तिकीट कन्फर्म मिळत नाही. त्यामुळे त्यांची गैरसोय होत आहे.

कोकण रेल्वे कोकणातील प्रवाशांची गैरसोय दूर करत नाही तसेच काही वेळा रेल्वे गाड्या उशिराने धावत असतात. कोकणातील प्रवाशांची गैरसोय दूर करण्यासाठी सावंतवाडी ते छत्रपती शिवाजी महाराज टर्मिनस किंवा दादर पर्यंत दुसरी एखादी एक्स्प्रेस सोडून प्रवाशांना दिलासा मिळाला पाहिजे, अशी मागणी केली जात आहे. सावंतवाडी टर्मिनस लवकरच पूर्ण करून महाराष्ट्रातील कोकण रेल्वेचे सावंतवाडी जंक्शन बनले पाहिजे. तरच चाकरमानी लोकांची किमान गैरसोय टळू शकते.कोकणासाठी कोकण रेल्वे सुरू झाली परंतु कोकणातील प्रवाशांपेक्षा गोवा कर्नाटका केरळ व अन्य राज्यातीलच प्रवाशांच्या वाढत्या गर्दीमुळे कोकणातील प्रवाशांना आपल्या गावी येणे घरसे विजय होत आहे सध्या रेल्वे प्रशासनाने पनवेल थीम अशा जागा गाड्या सोडल्या आहेत वास्तविक पाहता कोकण कन्या त्यानंतर मुंबईकडे दादर पर्यंत जाणारे लोकल ट्रेन असणे गरजेचे आहे तसेच सकाळी पहाटे पाच नंतर गोव्याकडे जाणारी लोकल ट्रेन असावी अशी सातत्याने मागणी आहे गोव्यात रोजगारासाठी जाणाऱ्या अनेक तरुण व्यावसायिक आणि अनेक प्रवाशांना रुग्नानाते सोयीचे ठरणार असल्याची मागणी सातत्याने करू नये या मागणीकडे ना लोकप्रतिनिधी लक्ष देत नारेल्वे प्रशासन लक्ष देत यामुळे अनेक प्रवाशांना मेंढरा सारखा प्रवास करावा लागत आहेहे गरजेचे असून नव्या खासदारांकडून रेल्वेच्या या प्रश्नांबाबत काय उकल घेतली जाते याकडे प्रवाशांचे लक्ष असून रेल्वे प्रश्नाकडे दखल न घेतल्यास प्रवासी संघटना आंदोलनाच्या पवित्रात असल्याचा इशाराही काही संघटनाने यापूर्वी दिला आहे.