🛑सिंधुदुर्ग-रत्नागिरी लोकसभेची निवडणूक 7 मे ला तर, 4 जूनला निकाल..

▪️राज्यात 5 टप्प्यात होणार मतदान..

✍🏼लोकसंवाद /- मुंबई.

लोकसभा निवडणुक जाहीर झाली असून याच लोकसभा निवडणुकीच्या पार्श्वभूमीवर राज्यात आजपासून आचारसंहिता जाहीर करण्यात आली असून आता 4 जूनला मतमोजणी होणार असून त्यादिवशी नवीन सरकार बसणार आहे.याच दरम्यान देशात 7 टप्प्यात तर,महाराष्ट्रात 5 टप्प्यात मतदान होणार आहे. यात सिंधुदुर्ग-रत्नागिरी लोकसभेची निवडणूक ही 7 मे ला होणार आहे.याबाबतची माहिती देशाचे मुख्य निवडणूक आयुक्त राजीव कुमार यांनी आज येथे पत्रकार परिषदेत दिली.

यात महाराष्ट्र मध्ये पुढील प्रमाणे मतदान प्रक्रिया पार पडणार आहे. पहिला टप्पा – १९ एप्रिल रामटेक, नागपूर, भंडारा-गोंदीया, गडचिरोली-चिमूर, चंद्रपूर.

दुसरा टप्पा २६ एप्रिल बुलडाणा, अकोला, अमरावती, वर्धा, यवतमाळ वाशिम, हिंगोली, नांदेड, परभणी.

तिसरा टप्पा ७ मे – रायगड, बारामती, धाराशीव, लातूर, सोलापूर, माढा, सांगली, सातारा, रत्नागिरी- सिंधुदुर्ग, कोल्हापूर, हातकणंगले.

चौथा टप्पा १३ मे – नंदूरबार, जळगाव, रावेर, जालना, छत्रपती संभाजीनगर, मावळ, पुणे, शिरुर, अहमदनगर, शिर्डी, बीड.

पाचवा टप्पा २० मे – धुळे, दिंडोरी, नाशिक, पालघर, भिवंडी, कल्याण, ठाणे, मुंबईतील सहा मतदारसंघ.