🛑किंजवडे येथील जिल्हास्तरीय कबड्डी स्पर्धेच्या ठिकाणी जाऊन जिल्ह्यातील १२ नामवंत संघानी स्पर्धा न खेळण्याचा निर्णय घेत परतले माघारी..

▪️फेडरेशनच्या मनमानी कारभारामुळे देवगडात दुसऱ्यांदा स्पर्धा फेल…

✍🏼लोकसंवाद /- देवगड.

गांगेश्वर क्रीडा मंडळ किंजवडे, पडावेवाडी या ठिकाणी कबड्डी स्पर्धा घेण्यात आली या स्पर्धे अगोदर जिल्ह्यातील नामवंत संघांनी फेडरेशन जवळ काही मागण्या ठेवल्या होत्या यावर सिंधुदुर्ग जिल्हा कबड्डी फेडरेशनने खेळाडू संघटनेच्या असलेल्या मागण्यांचे भविष्यात पूर्तता करू असे लेखी पत्र देऊन त्यापुरतीच सार्वासारव करण्यात आली व या स्पर्धा कबड्डी फेडरेशन च्या मान्यतेने घेण्यात आले परंतु खेळाडू संघटनेच्या विरोधात असणाऱ्या संघाना अचानक स्पर्धेत सहभाग दिल्यामुळे खेळाडू संघटनेचे जिल्हातील नामवंत १२ संघ स्पर्द्येच्या ठिकाणी येऊन न खेळता परत गेल्यामुळे फेडरेशनच्या काही निवडक संघांना घेऊन स्पर्धा घेण्यात आली त्यामुळे आयोजकांनी एवढ्या मोठ्या स्पर्धेसाठी केलेला खर्च, आयोजन फुकट गेल्याची चर्चा सर्व खेळाडूतून व आयोजकांमधून करण्यात येत आहे. त्यामुळे सिंधुदुर्ग कबड्डी खेळाडू संघटनेत एकजूट असल्याचे संपूर्ण जिल्ह्यात दिसून आले आहे व यापुढेही ही एकजूट कायम ठेवण्यात येणार असल्याचे या संघांनी सांगितले.