🛑भाजपाकडून आज राज्यसभा निवडणुकीसाठी तीन उमेदवारांची यादी जाहीर..

✍🏼लोकसंवाद /- मुंबई.

भाजपकडून पुन्हा धक्कातंत्र
भाजपाकडून आज राज्यसभा निवडणुकीसाठी तीन उमेदवारांची यादी जाहीर करण्यात आली आहे. यात माजी मुख्यमंत्री अशोक चव्हाण यांना राज्यसभेची उमेदवारी देण्यात आली आहे. चव्हाण यांच्या व्यतिरिक्त भाजपाच्या माजी आमदार मेधा कुलकर्णी आणि डॉ. अजित गोपछडे यांना उमेदवारी देण्यात आली आहे. भाजपाकडून राज्यसभेसाठी पंकजा मुंडे, नारायण राणे, अशोक चव्हाण यांच्या नावाची चर्चा होती. मात्र राणे, पंकजा यांना उमेदवारी मिळालेली नाही. चव्हाण यांनी काँग्रेसच्या सदस्यत्वाचा राजीनामा दिला, त्यानंतर त्यांनी काल भाजपात प्रवेश केला. आज भाजपकडून राज्यसभा निवडणुकीतील उमेदवारांची यादी जाहीर करण्यात आली आहे. भाजपकडून चव्हाण यांना राज्यसभेची उमेदवारी देण्यात आली आहे. तर शिंदे गट शिवसेनेकडून मिलिंद देवरा यांना उमेदवारी जाहीर झाली आहे. काँग्रेसने चंद्रकांत हंडोरेंना संधी दिली आहे.