🛑आवाडे येथे डंपर मोटार सायकल अपघातात एक जण जखमी..

✍🏼लोकसंवाद /- दोडामार्ग.

सोमवारी दुपारी दोडामार्ग तिलारी मार्गावर आवाडे येथे डंपर मोटार सायकल दरम्यान झालेल्या अपघातात दिलीप जयसिंग देसाई जखमी झाला आहे. १०८ रुग्णवाहिकेने गोवा येथे हलविण्यात आले आहे. साटेली भेडशी आरोग्य केंद्र येथे रुग्णवाहिका असून डायव्हर नसल्याने रुग्णवाहिका मिळू शकली नाही, त्यामुळे जखमीच्या नातेवाईकांनी संताप व्यक्त केला.

अपघाताची माहिती मिळताच पोलिस घटनास्थळी दाखल झाले. मोटार सायकल मागे बसलेला सुरक्षा रक्षक याच्यावर साटेली भेडशी आरोग्य केंद्र येथे उपचार सुरू आहेत. तिलारी येथून दिलीप जयसिंग देसाई तसेच तेरवण मेढे येथे सुरक्षा रक्षक म्हणून कामाला असलेला निकम नामक युवक हे दोघे जण मोटार सायकल वरून दोडामार्ग या ठिकाणी येत असताना आवाडे येथे एक डंपर चालक डंपर धुवून मुख्य रस्त्यावर येत असताना मोटारसायकलची धडक डंपरला बसली. यात देसाई याला दुखापत झाली. तो बेशुद्ध पडला तर त्याच्या मागे बसलेला निकम खाली कोसळला.