🛑कलमठ गावात राम मंदिर उद्घाटन आमंत्रण घरोघरी…

✍🏼लोकसंवाद /- कणकवली.
कलमठ गावात सरपंच संदीप मेस्त्री यांनी गावात घरोघरी जात राम मंदिर सोहळ्याचे आमंत्रण दिले आहे.राममंदिर सोहळ्याचा सुवर्णक्षण हा जवळ आला असून संपूर्ण भारत देशात याची प्रत्त्येक जण आप – आपल्या परीने याची तयारी करताना दिसत आहेत.अयोध्या म्हणजे प्रभू श्रीरामचंद्राची अशी भूमी ज्यावर कोणत्याही योद्धा विरोधात उभा राहू शकला नाही.अ-योद्धया !!श्रीरामचंद्रांच्या सन्मानासाठी लाखो रामभक्तांनी आपल्या बलिदानाने शरयू नदीचे पाणी रक्ताने लाल करणे पसंत केले, हा शेकडो वर्षांचा इतिहास आहे. आता तो सुवर्णदिन जवळ येतो आहे, आणि आपण सारेच तो क्षण अनुभवण्याचे भाग्य घेऊन जन्माला आलो आहोत. हा सोहळा २२ जानेवारीला होत असलेल्या अभूतपूर्व सोहळ्याच्या पार्श्वभूमीवर भारतीय जनता पार्टी युवा मोर्चा सिंधुदुर्ग जिल्हाध्यक्ष तथा कलमठ सरपंच संदीप मेस्त्री यांनी गावात घरो – घरी जाऊन श्री.राम मंदिर सोहळ्याचे निमंत्रण दिले.जय श्रीराम!! अश्या घोषणा देण्यात आल्या.यावेळी संदिप मेस्त्री, प्रमोद लिमये, विश्वास वायांगणर, अजित काकडे, सुनीता लाड,अशोक लाड, सुप्रिया पाटील, आशा लाड, नितीन पवार, माधवी काकडे, शैलेजा मुखरे, पपू यादव, परब गुरुजी, समर्थ कोरगावकर,समीर कवठनकर, तेजस लोकरे, रुपेश नाडकर्णी उपस्थित होते.