🛑नांदोस गावातील विविध विकासकामांचे माजी खासदार निलेश राणे यांच्या उपस्थितीत करण्यात आली भूमिपूजने..

✍🏼लोकसंवाद /- मालवण.

राज्यात भाजप युती सरकार सत्तेत आल्यावर गतिमान विकास सुरु झाला आहे. मालवण कुडाळ मतदार संघही विकासकामात अग्रेसर बनत आहे.ग्रामस्थानी मागणी केलेली विकासकामे प्राधान्याने मंजूर होत आहेत. राणे साहेबांप्रमाणेच काम करणारे पालकमंत्री रवींद्र चव्हाण यांच्या रूपाने सिंधुदुर्ग जिल्ह्याला लाभले आहेत. त्यामुळे विकासाची गती अधिक वाढत आहे.शासनाच्या माध्यमातून विकासकामांना अधिकाधिक निधी उपलब्ध करून देण्यासाठी आम्ही प्रयत्नाशील आहोत. सोबतच सरपंच, उपसरपंच व सदस्य यांनीही शासकीय योजना गावात वाडीवस्तीवर राबवून जनतेला जास्तीत जास्त लाभ मिळवून देण्यासाठी तत्परतेने सेवाकार्य करून आदर्श गांवे निर्माण करावीत. असे प्रतिपादन भाजप नेते माजी खासदार निलेश राणे यांनी नांदोस येथे बोलताना स्पष्ट केले.

केंद्रीय मंत्री नारायण राणे यांचे मार्गदर्शन तसेच माजी खासदार निलेश राणे यांच्या विशेष प्रयत्नातून पालकमंत्री रवींद्र चव्हाण यांच्या माध्यमातून नांदोस गावात विविध योजनातून विकास कामे मंजूर झाली आहेत. यात ग्रामपंचायत नांदोस ते समादेवी मंदिर रोड खाडीकरण व डांबरीकरण करणे, नांदोस मुख्य रस्ता ते लिंगेश्वर मंदिर रस्ता खडीकरण व डांबरीकरण करणे, नांदोस हनुमान मंदिर येथे ट्रान्सफार्मर बसवणे, नांदोस टेंबवाडी येथे बीएसएनएल टॉवर उभारणे या कामांची भूमिपूजन निलेश राणे यांच्या प्रमुख उपस्थितीत करण्यात आली.

यावेळी भाजप जिल्हा उपाध्यक्ष अशोक सावंत, तालुकाध्यक्ष धोंडी चिंदरकर, जिल्हा बँक संचालक बाबा परब, माजी सभापती राजेंद्र प्रभुदेसाई, माजी सभापती अजिंक्य पाताडे, सरपंच माधुरी चव्हाण, उपसरपंच विजय निकम, सदस्य निलेश पेडणेकर, सागर नांदोसकर, अंकुश गावडे, कोमल कदम, वैशाली घाडीगावकर, ज्योती पेडणेकर, ऋतुजा माळकर, देवस्थान अध्यक्ष राजन गावडे, पोलीस पाटील सूर्यकांत काळसेकर, विद्याधर पार्टे, अमोल नांदोसकर, गणेश पार्टे, गुरूनाथ कदम, रत्नाकर काळसेकर, संदीप नांदोसकर, विष्णू गावडे, सचिन गावडे, वसंत गावडे, रणजित गावडे, पियांशू शिरोडकर, हेमंत माळकर, ज्ञानदेव पेडणेकर, अशोक करावडे, यशवंत चव्हाण, मिनल पार्टे, नमिता नांदोसकर, संजना गावडे, सिद्दिकी कदम, सुमन देऊलकर, चंद्रकांत खोत, समिधा गावडे, गुरूनाथ नांदोसकर, शैलेश बिबवणेकर, दया देसाई, संतोष गांवकर, सौरभ ताम्हणकर, राकेश सावंत, सुमित सावंत यासह ग्रामस्थ मोठ्या संख्येने उपस्थित होते. कार्यक्रमाचे सूत्रसंचालन चंद्रसेन पाताडे यांनी केले तर आभार विकास घाडीगावकर यांनी मानले.

प्रास्ताविक करताना उपसरपंच विजय निकम म्हणाले, केंद्रीय मंत्री नारायण राणे यांच्या माध्यमातून खऱ्या अर्थाने विकासाची गंगा सिंधुदुर्ग जिल्ह्यात आली. आज त्यांच धर्तीवर मालवण कुडाळ तालुक्यात माजी खासदार निलेश राणे जनतेत राहून जनतेला अपेक्षित असलेले काम करत आहेत. पालकमंत्री रवींद्र चव्हाण यांची खंबीर साथ या सर्वात लाभत आहे. निलेश राणे यांच्या माध्यमातून शासन स्तरावर गेलेल्या सर्व कामास मंजुरी मिळत आहे. नांदोस गावचा विचार करता गावात भाजपची एकहाती सत्ता आली. यातही निलेश राणे यांचे मार्गदर्शन, साथ तसेच कार्यकर्ते यांची मेहनत महत्वाची राहिली. गावात सत्ता येताच सरपंच माधुरी चव्हाण व आम्हा सर्व सदस्य यांच्या माध्यमातून विकासकामांबाबत पाठपुरावा सुरु झाला. पालकमंत्री रविंद्र चव्हाण याच्या माध्यमातून मुख्य रस्त्यासाठी आंगणेवाडी पर्यटन मधून 96 लाख रूपयांचा निधी प्राप्त झाला. केंद्रीय मंत्री नारायण राणे यांच्या वाढदिवसा निमित्त गावात विकास महोत्सव करण्यात आला. सहा विकासकामांचे भूमिपूजन एकाचवेळी झाले. त्यापैकी चार कामे पुर्ण ही करण्यात आली. या वर्षीत आतापर्यंत गावात सव्वा कोटीचा निधी केंद्रीय मंत्री नारायण राणे, पालकमंत्री रवींद्र चव्हाण, माजी खासदार निलेश राणे याचा माध्यमातून प्राप्त झाला. ग्रामस्थांना अपेक्षित गतिमान विकास हेच आपले प्रयत्न राहणार आहेत. गावातील ऐतिहासिक शिवकालीन नांदोस गडी व गिरोबा देवस्थान करिता पर्यटन विकास मधून भरीव निधी मिळावा यासाठी निलेश राणे व पालकमंत्री यांच्या माध्यमातून आपले प्रयत्न राहणार आल्याचे उपसरपंच विजय निकम यांनी सांगितले.

यावेळी भाजप तालुकध्यक्ष धोंडी चिंदरकर यांनीही विचार मांडताना भाजप युती सरकार माध्यमातून होत असलेली विकासकामे, तसेच गावागावात अधिकाधिक निधी मिळवण्यासाठी माजी खासदार निलेश राणे यांचा सुरु असलेला पाठपुरावा, पालकमंत्री रवींद्र चव्हाण यांच्या माध्यमातून मिळत असलेले सर्वतोपरी सहकार्य याबाबत माहिती दिली. गेल्या 9 वर्षात येथील आमदार अपयशी ठरले. मात्र आता भाजप युती सत्ता काळात विकासाचा बॅकलॉग माजी खासदार निलेश राणे, पालकमंत्री रवींद्र चव्हाण यांच्या माध्यमातून भरून निघेल असा ठाम विश्वास यावेळी चिंदरकर यांनी व्यक्त केला.