🛑कोकण रेल्वे मार्गावर विशेष तिकीट तपासणी मोहीम राबवणार.;अनधिकृत प्रवास करणाऱ्यांची संख्या वाढत असल्याकारणाने नियम कठोर..

✍🏼लोकसंवाद /- सिंधुदुर्ग.

विना तिकीट प्रवास करणाऱ्यांची संख्या सातत्याने वाढत असल्याकारणाने कोकण रेल्वे आपल्या मार्गावर धावणाऱ्या गाड्यांमध्ये विशेष तिकीट तपासणी मोहीम राबवणार आहे. त्यानुसार पुढील तीन महिन्यासाठी तिकीट तपासणी अधिक तीव्र करण्यात येणार आहे. अशी माहिती कोकण रेल्वेचे जनसंपर्क अधिकारी सचिन देसाई यांनी दिली.

कोकण रेल्वेच्या मार्गावर धावणाऱ्या सर्व ट्रेन्स मध्ये सातत्याने तिकीट तपासणी करून विना तिकीट प्रवास करणाऱ्या अनधिकृत प्रवाशांवर कारवाई केली जात असते. ऑगस्ट ते ऑक्टोबर या गेल्या तीन महिन्यात करण्यात आलेल्या तिकीट तपासणीत एकूण १४,१५० विना तिकीट प्रवासी आढळून आले आहेत. या प्रवाशांकडून एकूण ८६ लाख ६७ हजार ८२० रुपयांचा दंड वसूल करण्यात आला आहे. त्यामुळे यापुढे ही तिकीट तपासणी मोहीम कोकण रेल्वेच्या संपूर्ण मार्गावर सुरू करण्यात येणार आहे. प्रवाशांनी योग्य व वैध तिकिटासह प्रवास करावा असे आवाहन कोकण रेल्वेचे जनसंपर्क अधिकारी सचिन देसाई यांनी केले आहे.