🛑सिंधुदुर्ग तो बहाणा है,पेंग्विनको गोवा मे बॉलिवूड के ऍक्टरोकेसाथ नाचना है..!

▪️आदित्य ठाकरे यांच्या गोवा मार्गे कोकण दौऱ्यावर आमदार नितेश राणे यांची टीका..

✍🏼लोकसंवाद /- कणकवली.

ज्यांची संघटना खिळखिळी झाली त्यांना “खळा” बैठक घेतल्याशिवाय आता दुसरा पर्याय राहिलेला नाही. असा टोला आमदार नितेश राणे यांनी ठाकरे शिवसेनेचे युवा नेते आदित्य ठाकरे यांना आज येथे लगावला. दरम्यान सिंधुदुर्ग दौऱ्यावर येत असलेले ठाकरे हे बैठकांसाठी येत नसून गोव्यातील फिल्म फेस्टिवल मध्ये हजेरी लावण्यासाठी जात असल्याचा आरोप त्यांनी यावेळी केला. कणकवलीत ओम गणेश निवासस्थानी आमदार राणे यांनी पत्रकारांशी संवाद साधला. विविध विषयांवर भाष्य करतानाच आदित्य ठाकरे यांच्या दौऱ्यावर सडकून टीका केली.

आज सकाळी १० जनपथचा नवीन कामगार ज्याचा पगार राहुल गांधीकडुन येतोय. तो आज नॅशनल हेराल्डची बाजू मांडताना दिसला. जी बाजू नॅशनल हेराल्ड काँग्रेस चे काम करतो तेच काम आता सामना करत आहे. गांधी कुटुंबियांवर झालेल्या कारवाईवर समर्थन करणे म्हणजे भ्रष्टाचाराला समर्थन करण्यासारखे आहे. संजय राऊत ते करत आहे. हेराल्डची भूमिका जी आहे तीच प्रबोधन ट्रस्टची सुद्धा आहे. आता दोघांचा ढाचा एकच झाला आहे. तिथे राहुल, सोनिया, इथे रश्मी, आदित्य आहेत. म्हणजे भ्रष्टाचार करण्यात सुद्धा साम्य आहे.

राहुल गांधी यांनी पणवती ह्या शब्दावर मोठं वक्तव्य करण्याचे धाडस केले आहे. १९ नोव्हेंबर स्व.इंदिरा गांधी जयंती होती मग भारत त्यादिवशी जिंकलाच पाहिजे होता. मग खरी पणवती कोण ? गेल्या ७० वर्षात देशात गांधी कुटुंबाची जी पनवती लागलेली होती ती नरेंद्र मोदी यांनी सत्ता बदल करून दूर केलेले आहे.