🛑हळदीचे नेरूर ग्रामस्थ विकास मंडळ मुंबई यांच्या वतीने मुंबई स्थित ग्रामस्थांना एकत्र करून गावच्या विकासा संदर्भात आमदार निदेश राणे यांची घेतली भेट.

◼️निवेदन देत हळदीचे नेरूर पूल मंजूर केल्याबद्दल मानले आभार.

✒️लोकसंवाद /- मुंबई.

शनिवार दिनांक 14 नोव्हेंबर रोजी कुडाळ मालवण विधानसभा मतदारसंघाचे माननीय कार्यसम्राट आमदार निलेश राणे साहेब यांची सदिच्छा भेट आज त्यांच्या अंधेरी येथील कार्यालयात घेण्यात आली. या भेटीचे नेतृत्व व आयोजन श्री दिलीप सावंत व हळदीचे नेरूर ग्रामस्थ विकास मंडळ मुंबई यांच्या वतीने मुंबई स्थित ग्रामस्थांना एकत्र करून मा. सरपंच श्री दिलीप सावंत यांनी गावच्या विकास कामावर खालील प्रमाणे चर्चा केली. .त्याचा सविस्तर इतिवृत्त खालील प्रमाणे…

विषय क्रमांक 1… फुट ब्रिज बांधणी करिता तातडीने निधी मंजूर करून सदर कामाची तातडीने भूमिपूजन आणि कामाचे प्रत्यक्ष सुरुवात याबद्दल माननीय आमदार निलेश जी राणे यांचा मुंबई स्थित ग्रामस्थ मंडळ यांच्या वतीने शाल श्रीफळ व पुष्पगुच्छ देऊन सत्कार करून कृतज्ञता व्यक्त करण्यात आली..
गेल्या कित्येक वर्षाची बारमाही वाहतुकीची गरज कायमस्वरूपी पूल बांधण्याची मागणी पूर्ण झाल्याने गाव पातळीवर अत्यंत समाधान व्यक्त होत आहे

विषय क्रमांक 2… हळदीचे नेरूर ते पालमळी जटाशंकर मंदिर जाणारा रस्ता खडीकरण व डांबरीकरण एकूण लांबी 3 कि मी मुख्यमंत्री ग्रामसडक योजनेअंतर्गत लवकरात सदरचे काम मार्गी लागणार असल्याचे आमदार महोदयांनी सांगितले .

विषय क्रमांक 3)
मुख्य रस्ता नेरुर ते देवघर वाडी कुंदणवाडी अंजीवडे व वसोली तीन गावांना जोडणारा जोड रस्ता खडीकरण व डांबरीकरण एकूण लांबी तीन किलोमीटर मुख्यमंत्री ग्रामसडक योजना लवकरच मार्गी लावण्याचे आश्वासन माननीय आमदार महोदय यांनी दिले .
विषय क्रमांक 4) न्यू इंग्लिश स्कूल हळदीचे नेरुर या शाळेच्या इमारतीच्या दुरावस्थेबाबत श्री भिकाजी नेरकर यांनी विषयी मांडला त्यावर माननीय आमदार महोदयांनी दहा लाख रुपयाचा तातडीचा निधी जाहीर केला.. उर्वरित 15 लाखाचा निधी सुद्धा लवकरच वर्ग करण्यात येईल असे आश्वासन दिले…

विषय क्रमांक 5)
.. टाळंबा धरणाच्या बुडीत क्षेत्रात बाधित क्षेत्रातील संपादित न केलेल्या जमिनीवर सातबाराच्या उताऱ्यावर टाळंबा प्रकल्पासाठी संपादन असा असलेला शेऱ्याबाबत विषय श्री दिलीप सावंत यांनी मांडला हा विषय येत्या विधानसभा अधिवेशनात लक्षवेधी घेऊन सदर नोंद सातबारा उताऱ्यावरून काढून देण्याचे आश्वासन आमदार महोदयांनी दिले त्या संदर्भात महसूल मंत्री व जलसंपदा मंत्री यांच्याशी चर्चा करून मार्ग काढण्याचे आश्वासन दिले.

विषय क्रमांक. 6)
आकारी पड जमिनी बाबतचा मार्गी लावलेला विषय याबाबत पुन्हा एकदा चौदाशे चाळीस लाभार्थींना आकारीपड जमिनी बाबतचे हक्क आणि त्यांची मालकी ण लाभार्थींना पत्राचे वाटप करण्याबाबत लवकरात लवकर तातडी तिची कारवाई केली जाईल असे आश्वासन दिले.

हळदीचे नेरूर गावातील समस्या प्रश्न सोडवण्याकरिता आमदार निलेश राणे यांनी शंभर टक्के सकारात्मक प्रतिसाद देऊन मुंबई तसेच गावातील सर्व कार्यकर्त्यांच्या पाठीमागे ठामपणे उभे राहण्याची शाश्वती देऊन विकासासाठी कोणत्याही प्रकारचा निधी कमी पडू दिला जाणार नाही याची हमी दिली .

सर्वांनी एकत्र येऊन विकास पुरुष असणाऱ्या आपल्या लोकप्रतिनिधीच्या मागे उभे राहण्याकरता एकत्रित यावे असे आवाहन माजी सरपंच दिलीप सावंत आणि मुंबई समिती सेक्रेटरीचे भिकाजी सावंत यांनी केलेले आहे. या मुंबईकर मंडळाचे प्रतिनिधित्व मंडळाचे सचिव भिकाजी सावंत यांनी केले .यावेळी मंडळाचे अध्यक्ष दाजी पालकर, सदस्य बाळा पालकर, भिकाजी नेरकर ,एस के कविटकर, प्रशांत पालकर ,विठ्ठल खंदारे, अमित पालकर उपस्थित होते. भेट अतिशय सकारात्मक व समाधानकारक झाली.