🛑पुढील 50 वर्षात या कुडाळ शहरात कोणत्याही समस्या निर्माण होऊ नये यासाठी सदैव कार्यरत.;आमदार निलेश राणे.

◼️ज्येष्ठ नागरिक विरंगुळा केंद्राचे आमदार निलेश राणे यांच्या हस्ते लोकार्पण.

✒️लोकसंवाद /- समिल जळवी,कुडाळ.

कुडाळ-झपाट्याने वाढणारे सिंधुदुर्ग जिल्ह्यातील कुडाळ हे एकमेव शहर आहे, त्यामुळे पुढील 50 वर्षात या कुडाळ शहरात कोणत्या ही समस्या निर्माण होऊ नये हे शहर सुसज्ज शहर असाव यासाठी मी नेहमीच प्रयत्नशील राहणार असल्याचे आश्वासन आमदार निलेश राणे यांनी कुडाळ येथे ज्येष्ठ नागरिक विरंगुळा केंद्राच्या इमारतीच्या लोकार्पण सोहळ्या प्रसंगी बोलताना दिले.

कुडाळ नगरपंचायत च्या वतीने ज्येष्ठ नागरिकांसाठी ज्येष्ठ नागरिक विरंगुळा केंद्र इमारत बांधण्यात आली आहे या इमारतीचे लोकार्पण आमदार निलेश राणे यांच्या हस्ते झाले यावेळी जिल्हा परिषद उपाध्यक्ष दादासाहेब साहिल नगराध्यक्ष प्राजक्ता बांदेकर, जिल्हा परिषद सदस्य दीपक नारकर, दीपलक्ष्मी पडते, शिवसेनेचे नेते संजू परब, माजी जिल्हा परिषद अध्यक्ष काका कुडाळकर, संजय पडते, गटनेते विलास कुडाळकर नगरसेवक राजीव कुडाळकर, मुख्याधिकारी खंडू पवळ तसेच इतर नगरसेवक नगरसेविका व ज्येष्ठ नागरिक मोठ्या संख्येने उपस्थित होते.

यावेळी बोलताना आमदार निलेश राणे यांनी सांगितले की, आपल्या कुडाळ शहरात या अडीच वर्षात विविध विकास कामे होत असून 21व्या शतकातील हे शहर कसे दिसेल यासाठी सर्वतोपरी प्रयत्न करीत आहे. एक चांगलं शहर देण्याचा प्रयत्न आपला आहे. या दृष्टीने या शहरात जेष्ठ नागरिकांसाठी विरंगुळा केंद्र इमारत आज लोकार्पण होत आहे त्याचा आनंद आहे.

या ज्येष्ठ नागरिक विरंगुळा केंद्र येथे जी आवश्यक शेड आहे, त्या शेड साठी आवश्यक निधी मी माझ्या फंडातून देण्याचे जाहीर राणे यांनी केले.
असे एकमेव शहर आहे जे झपाट्याने वाढतंय, उपनगर तयार झाली आहेत. त्यामुळे या शहरात 24 तास वीजपुरवठा उपलब्ध रहावा, नळपाणी योजना, सुसज्ज मच्छी मार्केट, रस्त्यालगत फुटपाथ, रस्त्याचे काँक्रिटीकरण यासाठी योग्य ते नियोजन सुरू असल्याचे राणे यांनी सांगितले .

मालवणी नटसम्राट मच्छिंद्र कांबळी नाट्यगृहासाठी साडेतेरा कोटी रुपये आणले. दोन महिन्यांमध्ये या नाट्यगृहाचे उद्घाटन केले जाणार असल्याचेही राणे यांनी सांगितले.

कुडाळ शहरातील 14 गुंठ्याची जमीन आता नगरपंचायतीकडे वर्ग झाली. तिथे नाना नानी पार्क लवकर करू, कोणाला अडथळा न करता शहरातील मुख्य रस्त्यांवर फुटपाथ तयार करण्यासंदर्भात विचार करणार आहोत.

कुडाळ शहराच्या विकासासाठी जी काही विकास काम करायची आहे त्यासाठी लागणारा निधी मी पालकमंत्री यांच्याशी बोललो आहे त्यांनीही जेवढा पैसा लागेल तेवढा शंभर टक्के देऊ असेही अशा सांगितलेले आहे त्यामुळे शहराचा विकास नक्कीच होणार आहे असे राणे यांनी सांगितले.

या सिंधुदुर्ग जिल्ह्याने राणे कुटुंबाला भरपूर काही दिले माझ्या वडिलांना मुख्यमंत्री केलं केंद्रीय मंत्री केलं, माझा भाऊ पालकमंत्री आहे, तीन वेळा आमदार या जिल्ह्याने केला तुमच्यासमोर आमदार म्हणून उभा आहे, हे उपकार तुम्ही आमच्यावर केले म्हणून त्याची परतफेड म्हणून जेवढं काम करता येईल तेवढे काम करणार आहे असे ही राणे यांनी सांगितले.

पावणेदोन वर्षांमध्ये आपल्या सगळ्यांच्या आशीर्वादाने कुडाळ मतदार संघ परत नकाशावर आणण्याचं काम आम्ही करायचा प्रयत्न करत आहोत. आता कुठलाही अधिकारी कुठलाही मंत्रालयाचा माळा आपल्याला नकारू शकत नाही असाही विश्वास त्यांनी व्यक्त केला.

यावेळी नगराध्यक्ष प्राजक्ता बांदेकर यांनी सांगितले की, काही महिन्यापूर्वी शहरातील जेष्ठ नागरिकांनी माझी भेट घेत जेष्ठ नागरिक विरंगुळा केंद्र इमारती सुसज्ज व सर्व सोयी नियुक्त अशी पाहिजे अशी मागणी केली होती त्याचवेळी पाहणी करून या ठिकाणी लवकरच आपणास अपेक्षित अशी इमारत बांधून देऊ असे सांगितले होते. या इमारतीच्या बांधकामासाठी आमदार निलेश राणे यांनी दिलेल्या निधीतून व नगरपंचायत विकास निधीतून इमारत पूर्ण होत असून त्याचे उद्घाटन झाले त्यामुळे आजचा हा दिवस आनंदाचा आहे असे सांगितले.

यावेळी मुख्याधिकारी खंडू पवळ यांनी सांगितले की, शासनाच्या सेवा सुविधे मधून या वास्तूची निर्मिती करण्यात आली असून शहरात अनेक विकास कामे सुरू आहेत त्यापैकी हे एक विकास काम आहे.

यावेळी जेष्ठ नागरिकांच्या वतीने बोलताना चंद्रकांता अनावकर यांनी सांगितले की, 2018 पासून सतत पाठपुरावा केल्यानंतर हे केंद्र निर्माण झाले अगोदरची इमारत ही योग्य नव्हती. आम्हाला अपेक्षित अशी इमारत नगराध्यक्ष बांदेकर यांनी करून दिली. निधी कमी आहे असे आम्ही बांधेकर यांना सांगितले असता मानेकर यांनी आम्हाला सांगितले की आमदार राणे पाठीशी आहेत त्यामुळे चिंता नको आणि खरोखरच ही आम्हाला अपेक्षित अशी इमारत आज पूर्ण करून दिली असे त्यांनी सांगत कुडाळ शहरातील मुख्य रस्त्यावर फूटपाथ व्हावे मच्छी मार्केट करावे अशी ही मागणी केली.

यावेळी प्रधानमंत्री आवास योजनेंतर्गत कुडाळ शहरातील लाभार्थ्यांना आम. निलेश राणे यांच्या हस्ते प्रमाणपत्राचे वाटप करण्यात आले.फोटो कुडाळ येथील ज्येष्ठ नागरिक विरंगुळा केंद्र च्या लोकार्पण सोहळ्याप्रसंगी बोलताना निलेश राणे यावेळी दीपलक्ष्मी पडते दादासाहेब संजू परब प्राजक्ता बांदेकर खंडू पवळ व इतर