🛑गवारेड्याच्या हल्ल्यात डिगस तलावाजवळ एक गंभीर जखमी.

✒️लोकसंवाद /-कुडाळ.

कुडाळ तालुक्यातील डिगस येथे गवारेड्याच्या हल्ल्यात युवक जखमी झाल्याची घटना गुरुवार दिनांक १५ ऑक्टोबर रोजी सायंकाळी ८.३० वाजण्याच्या सुमारास घडली. प्रसाद सत्यवान तेरसे असे त्याचे नाव असून तो निरुखे गावचा रहिवासी आहे.याबाबत सविस्तर वृत्त असे की, शुक्रवार दिनांक १५ ऑक्टोबर रोजी सायंकाळी ८.३० वाजण्याच्या सुमारास प्रसाद तेरसे हा युवक आपल्या ताब्यातील दुचाकीवरून कुडाळहून निरुखेच्या दिशेने जात होता. यावेळी डिगस तलावाजवळ आला असता गवारेड्याने दुचाकीला अचानक धडक दिली. यावेळी दुचाकीवरील ताबा सुटल्याने दुचाकी रस्त्यावर कोसळून झालेल्या अपघातात त्याच्या पायाला व डोक्याला गंभीर दुखापत झाली. यावेळी मागून येणाऱ्या दुचाकीस्वाराने याबाबतची माहिती वनविभागाला देत जखमी युवकाला उपचारासाठी रुग्णालयात हलवले.