🛑वाढती फसवणूक ह्यामुळे ग्राहक वर्गाने सतर्क राहावे.;बँक ऑफ इंडियाच्या अधिकाऱ्यांचे प्रतिपादन.

✒️लोकसंवाद /- कुडाळ.

सध्या समाजात अनेक भेडसावणाऱ्या समस्यांमध्ये वाढती फसवणूक आणि सायबर क्राईमबाबत ग्राहक वर्गाने सतर्क राहणे काळाची गरज आहे.असे प्रतिपादन बँक ऑफ इंडियाचे अधिकारी दीपक टी.व्ही यांनी नेरूर माड्याचीवाडी केले.

बँक ऑफ इंडिया कुडाळ शाखेच्या वतीने समाजात मोठ्या प्रमाणात वाढणाऱ्या फसवणुकीबाबत व सायबर क्राईम बाबत जनजागृती होण्याच्या दृष्टिकोनातून माडयाचीवाडी येथे जनजागृती उपक्रमाचे आयोजन जिल्हा परिषद पूर्ण प्राथमिक शाळा नेरूर माड्याचीवाडी येथे करण्यात आले होते या कार्यक्रमाचे उद्घाटन बँकेचे अधिकारी- दीपक टी.व्ही यांच्या हस्ते झाले यावेळी सरपंच – विघ्नेश  गावडे,मुख्याध्यापक विरजा  साटेलकर, रोहित चव्हाण बचत गटाच्या महिला ग्राहकवर्ग उपस्थित होता.

यावेळी बोलताना दीपक म्हणाले
मोबाईल वरून होणारी फसवणूक टाळण्यासाठी वेळीच जागृत झाल्यास भविष्यात आपण या वाढत्या फ्रॉड पासून सतर्क राहू आजच्या फसवणुकीच्या दुनियेत ग्राहकांनी ‘जाणकार बना, सुरक्षित रहा’ या मंत्रानुसार वाटचाल करून स्वतःला वित्तीय साक्षर बनवले पाहिजे.प्रधानमंत्री जीवन ज्योती बीमा योजना, प्रधानमंत्री सुरक्षा विमा योजना आणि अटल पेन्शन योजना हे सर्वसामान्य जनतेचे मुख्य आधार आहे, त्याचा लाभ सर्वांनी घ्यावा .या योजना तळागाळात पोहोचल्या पाहिजेत यासाठी बँकेची टीम कार्यरत आहे .जनजागृती महत्त्वाची आहे असे सांगितले सिंधुदुर्ग जिल्ह्यात बँकेचा ग्राहक वर्ग मोठ्या प्रमाणात आहे, त्यांनी शासनाच्या विविध योजनांचा लाभ घेतला पाहिजे. शासनाच्या योजना तळागाळात पोचवण्यासाठी बँकेचे अधिकारी नियमित कटिबद्ध आहेत. बँकेच्या ग्राहकांनी येणाऱ्या नवनवीन योजनाबाबत माहिती घेतली पाहिजे त्याचा लाभ  घेतला पाहिजे असे सांगून आपले जीवन सुखकर करण्यासाठी बँकेच्या माध्यमातून विविध व्यवसायासाठी कर्ज घेऊन त्याची परतफेड सुद्धा तेवढ्याच प्रामाणिकपणे केल्यास  बँकेवरील ग्राहकाचा विश्वास अधिक भक्कम राहतो असे सागून उद्योजक, महिला बचत गट, विविध योजना याबाबत मार्गदर्शन केले.