🛑इन्सुली तिलारी कालव्यात आढळला मृतदेह.

✒️लोकसंवाद /- सावंतवाडी.

इन्सुली-डोबाशेळ येथील तिलारी कालव्यात एका अनोळखी वृद्ध पुरुषाचा मृतदेह अर्ध नग्नावस्थेत गोधडीत आढळून आला आहे. वस्तुस्थिती लक्षात येतात त्याचा घातपात झाल्याचा संशय ग्रामस्थांकडून व्यक्त करण्यात येत आहे. मात्र तू घातमात नसून स्वतःच त्या कालव्यात कोसळला असावा आणि कोसळल्यामुळे त्याच्या अंगावर जखमा झाल्या असाव्यात, असा प्राथमिक निष्कर्ष पोलिसांकडून वर्तवण्यात येत आहे. मात्र शवविच्छेदन अहवालानंतर सर्व नेमके कारण स्पष्ट होणार आहे.

कालव्याच्या पाण्यात संशयास्पद स्थितीत मृतदेह तरंगताना स्थानिक ग्रामस्थांना दिसल्याने ही घटना उघडकीस आली. अज्ञात मारेकऱ्यांनी इतरत्र घातपात करून पुरावा नष्ट करण्याच्या उद्देशाने रात्रीच्या वेळी हा मृतदेह कालव्यात फेकून दिला असावा, अशी शक्यता ग्रामस्थांकडून वर्तवली जात आहे.

या घटनेची माहिती मिळताच परिसरात एकच खळबळ उडाली असून घटनास्थळी स्थानिक नागरिकांनी मोठी गर्दी केली होती. घटनेचे गांभीर्य लक्षात घेऊन ग्रामस्थांनी तात्काळ पोलिसांना पाचारण केले. पोलिसांनी घटनास्थळी दाखल होऊन पंचनामा केला असून मयताची ओळख पटवण्याचे काम सुरू आहे. पोलिसांच्या म्हणण्यानुसार तो घातपात नसावा त्या ठिकाणी संबंधित व्यक्ती ही मद्य पिण्यासाठी बसली असावी आणि अशा अवस्थेत तो पडला असावा त्यामुळे त्याला जखमा झालेल्या आहेत. मात्र तो मृतदेह अर्ध नग्नावस्थेत का? त्याच्यासोबत गोधडी का? हा प्रश्न अनुत्तरीत आहेत. पण शवविच्छेदन केल्यानंतरच नेमके खरे काय? हे उघड होणार आहे, असे पोलीस निरीक्षक पंकज शिंदे यांनी सांगितले.