🛑अखेर माणगाव MSEB शाखा अभियंता पदावर समेध उपाध्ये यांची नियुक्ती.

◼️पंचायत समिती सदस्य योगेश धुरी यांच्या पाठपुराव्याला यश; मे महिन्यापासून रिक्त असलेले पद भरले.

✒️लोकसंवाद /- कुडाळ.

माणगाव : माणगाव महावितरण (MSEB) कार्यालयातील शाखा अभियंता हे पद मे महिन्यापासून रिक्त होते. त्यामुळे माणगाव खोऱ्यातील अनेक गावांमध्ये वीजपुरवठ्याशी संबंधित समस्या सोडविण्यासाठी अडचणी निर्माण होत होत्या. या पार्श्वभूमीवर पंचायत समिती सदस्य योगेश धुरी यांनी पंचायत समितीच्या मासिक सभेत याबाबत आवाज उठवत हे पद तातडीने भरण्याची मागणी केली होती.

तसेच महावितरणचे राख साहेब, डोहे साहेब चीफ इंजिनीअर (सिंधुदुर्ग-रत्नागिरी) यांच्याकडे सातत्याने पाठपुरावा करण्यात आला. या पाठपुराव्यादरम्यान माणगाव शाखा अभियंता पदाची नियुक्तीची ऑर्डर तब्बल चार वेळा बदलण्यात आली. अखेर या सर्व प्रयत्नांना यश आले असून समेध उपाध्ये यांनी माणगाव शाखा अभियंता म्हणून कार्यभार स्वीकारला आहे.

उपाध्ये यांनी कार्यभार स्वीकारल्यानंतर गावातील ज्येष्ठ मार्गदर्शक सुकी गुरुजी यांच्या हस्ते त्यांचे स्वागत करण्यात आले. यावेळी त्यांना भावी वाटचालीस शुभेच्छा देण्यात आल्या.

याप्रसंगी पंचायत समिती सदस्य योगेश धुरी, शिवसेना उद्धव बाळासाहेब ठाकरे विभागप्रमुख एकनाथ धुरी, शिवसेना उपविभागप्रमुख शैलेश वीरनोडकर तसेच शिवसेना उद्धव बाळासाहेब ठाकरे शहरप्रमुख सचिन भिसे उपस्थित होते.

माणगाव शाखा अभियंता पदावर कायमस्वरूपी नियुक्ती झाल्याने परिसरातील वीज ग्राहकांच्या समस्या अधिक जलदगतीने मार्गी लागण्यास मदत होईल, अशी अपेक्षा व्यक्त करण्यात येत आहे.