🛑आंबोली सतिचीवाडी येथे चिरेखाणीतील साठलेल्या पाण्यात बुडून पर्यटकाचा मृत्यू..

◼️सहयाद्री ॲडव्हेंचर अँड रेस्क्यू टीमला साठलेल्या पाण्यातुन मृतदेह काढण्यात यश.

✒️लोकसंवाद /- आंबोली.

माजगांव – इन्सुली येथून मित्रांसोबत आंबोली येथे पर्यटनासाठी आलेले पर्यटक
आंबोली सतिचीवाडी येथील निसर्ग सौंदर्याचा आनंद घेत असताना त्यातील चिरेखाणीत साठलेल्या पाण्यात श्री.संजय लक्ष्मण गांवकर वय ५० वर्षे रा. इन्सुली यांचा बुडून मृत्यु झाला आहे.ही दुर्दैवी घटना सोमवारी दुपारी साडेतीन वाजण्याच्या सुमारास आंबोली सतिचीवाडी चिरखण येथे घडली.

या घटनेची माहिती मिळताच सहयाद्री ॲडव्हेंचर अँड रेस्क्यू ग्रुप आंबोली सांगेली च्या रेस्क्युअर्स नी धाव घेतली. रेस्क्युअर अजित नार्वेकर यांनी खोल पाण्यात ऊतरून मृतदेह बाहेर काढला. यामध्ये रेस्क्यू टीमचे सदस्य अजित नार्वेकर, राजु राऊळ, उत्तम नार्वेकर,मायकल डिसोजा,नारायण चव्हाण, दिपक मेस्त्री, सुजीत नायर, प्रथमेश गावडे, कमलेश गावडे, गिरीश गावडे, विराज गावडे, ओमकार कळसुलकर, विजय राऊत यांनी सहभाग घेतला.

आंबोली पोलीस दूरक्षेत्रचे हवालदार लक्ष्मण काळे यांनी घटनास्थळी जात पंचनामा केला. माजी सरपंच शशिकांत गावडे यांनी या घटनेची  माहिती रेस्क्यू टीमला तसेच पोलीस दूरक्षेत्रला दिली.मिळालेल्या माहितीनुसार विक्टिम यांच्यासह एकूण अकरा जण पर्यटनासाठी माजगांव ,इन्सुली येथून आंबोली येथे आले होते.माजगांव उद्यमनगर येथील एका कंपनीत सर्वजण कामाला होते. याचा अधिक तपास पोलीस करत आहेत.