🛑गॅस कनेक्शनची पाच वर्षांतून एकदा तपासणी बंधनकारक;अफवांवर विश्वास न ठेवण्याचे आवाहन.

✒️लोकसंवाद /- समिल जळवी,कुडाळ.

कुडाळ तालुका सहकारी खरेदी विक्री संघामार्फत हिंदुस्तान पेट्रोलियम कॉर्पोरेशन लिमिटेड कंपनीच्या गॅस ग्राहकांना कळविण्यात येते की कंपनी व शासनाच्या नियमानुसार आपले गॅस कनेक्शन व गळतीची तपासणी दर पाच वर्षातून एकदा गॅस एजन्सीच्या अधिकृत मेकॅनिक कडून एचपीसीएल कंपनीच्या ॲप मधील मुद्दे निहाय घरगुती गॅस कनेक्शन mandatory inspection तपासणी करुन घेणे बंधनकारक आहे. मेकॅनिक कंपनीच्या सर्कुलर जीआर प्रमाणे तपासणी करतात व त्याची रीतसर पावती ग्राहकांना देण्यात येते तपासणीमध्ये आपल्या गॅस कनेक्शन मध्ये असलेल्या कमतरता मेकॅनिक आपणास समक्ष सांगेल त्या कमतरता समस्या त्वरित सुधारून आपले गॅस कनेक्शन पूर्ण सुरक्षित असल्याची खात्री करून घ्यावी. तसेच कुडाळ तालुका सहकारी खरेदी विक्री संघाच्या गॅस एजन्सीचे प्रतिनिधी तपासणीसाठी येतात त्यांना सहकार्य करावे. ग्राहक नवीन कनेक्शन घेतात तेव्हा त्यांना विमा कवच लागू होते.सुरक्षा पाईप मुदत संपली असेल किंवा समस्या असल्यास तो पाईप त्वरित बदलून घेणे यात हयगय करू नये त्यासाठी जादा आकार घेण्यात येईल. सुरक्षेच्या दृष्टिकोनातून एच पी सी एल कंपनी आपला गॅस पुरवठा खंडित करण्याचे निर्णय घेऊ शकते त्यामुळे अशी वेळ आपल्यावर येऊ नये म्हणूनच आपण आमच्या प्रतिनिधीला सहकार्य करावे. कुडाळ तालुक्यामधील काही ठिकाणी याबाबत लोकप्रतिनिधी मार्फत गैरसमज पसरवण्यात येत असल्याचे निदर्शनास आले आहे. याबाबत कुडाळ तालुका सहकारी खरेदी विक्री संघाने एच पी सी एल कंपनी व जिल्हाधिकारी यांच्याकडे रितसर माहिती दिलेली आहे तरी कोणत्याही ग्राहकांनी अशा अफवांना बळी पडू नये अशी विनंती कुडाळ तालुका सहकारी खरेदी विक्री संघाचे अध्यक्ष व संचालक मंडळ यांच्याद्वारे या प्रसिद्धी पत्रकात करण्यात येत आहे येत आहे.या बाबत एच पी सी एल कंपनीकडून तारीख ०८.०५.२०२६रोजी REF/ NO/ GLRO/ २०२६/०५ /CIRCULAR/ १७ रोजी स्पष्ट सूचना देण्यात आलेल्या आहेत .असे कुडाळ तालुका सहकारी खरेदीने विक्री संघाच्या वतीने अध्यक्ष व संचालक मंडळाने दिलेल्या प्रसिद्धी पत्रकात म्हटले आहे.