🛑सावंतवाडी टर्मिनल येथे थांबाचे शिल्पकार मुख्यमंत्री श्री देवेंद्रजी फडणवीस आणि आमदार श्रीमती सुलभाताई गायकवाड..

✒️लोकसंवाद /- मुंबई.

कोकण रेल्वे प्रवासी संघटना, सावंतवाडी (मुंबई) चे अध्यक्ष श्री. विनोद नाईक यांनी रविवारी 26 जुलै 2026 रोजी भाजपच्या कल्याण पूर्व विधानसभा क्षेत्र 142 च्या आमदार श्रीमती सुलभाताई गायकवाड यांची सदिच्छा भेट घेऊन त्यांचे पुष्पगुच्छ देऊन स्वागत केले तसेच त्यांना 27 जुलै 2026 रोजी सावंतवाडी टर्मिनल येथे मंगलोर एक्सप्रेस १२१३३ पहिल्यांदा सावंतवाडी येथे थांबणार, असून राजधानी एक्सप्रेस 12431 येत्या बुधवारी सावंतवाडी येथे थांबा देण्यात आला असून स्वागत शुभारंभ कार्यक्रमाचे निमंत्रण दिले. सावंतवाडी प्रवासी संघटना सावंतवाडी यांच्याकडून आग्रहाचे आमंत्रण दिले.

गेल्या १६ वर्षापासून मंगलोर एक्सप्रेस सावंतवाडी थांबा साठी मुंबईकर आणि सावंतवाडीतील जनता प्रतिक्षा करत होती, अनेक स्थानिक आमदार, खासदार यांच्यामार्फत निवेदन जात होती, परंतु यश मिळत नव्हते. सावंतवाडी येथील कोकण रेल्वे प्रवासी संघटनेच्या पदाधिकाऱ्यांनी आमदार श्रीमती सुलभाताई गायकवाड यांना निवेदन दिले. ताईने त्वरीत 25 एप्रिल 2026 रोजी माननीय मुख्यमंत्री श्री देवेंद्र फडणवीस यांना निवेदन दिले, चर्चा केली तसेच विधानभवनात सावंतवाडी मुद्दा उपस्थित केला. त्यावर मुख्यमंत्री देवा भाऊ यांनी स्वतः केंद्र सरकारला पत्र लिहिले आणि पाठपुरवठा केला आणि सावंतवाडी कराना न्याय मिळाला असून मंगलोर एक्सप्रेस, राजधानी एक्सप्रेस, गरीब रथ या महत्त्वाच्या गाड्या सावंतवाडी टर्मिनल आताचे लोकनेते मधु दंडवते टर्मिनल येथे थांबण्यात आल्या. या ऐतिहासिक यशाचे श्रेय माननीय मुख्यमंत्री श्री देवेंद्रजी फडणवीस आणि आमदार श्रीमती सुलभा ताई गायकवाड यांचे आहे. तसेच सावंतवाडी टर्मिनल येथील पाणीपुरवठा समस्येबाबत सविस्तर चर्चा करण्यात आली. या विषयाची गांभीर्याने दखल घेत श्रीमती सुलभाताई गायकवाड यांनी हा प्रश्न लवकरात लवकर मार्गी लावण्यासाठी मा. श्री. देवेंद्र फडणवीस तसेच राज्याचे पाणीपुरवठा मंत्री यांच्या समवेत संयुक्त बैठक आयोजित करण्यात येईल, असे आश्वासन दिले.

कोकण रेल्वे प्रवासी संघटनेने या सकारात्मक भूमिकेबद्दल श्रीमती सुलभाताई गायकवाड यांचे आभार व्यक्त केले असून, सावंतवाडी टर्मिनल येथील पाणीपुरवठ्याचा प्रश्न लवकरच निकाली निघेल, अशी अपेक्षा व्यक्त केली आहे. सदर सावंतवाडी टर्मिनल समस्या बाबत श्री. मिहिर मठकर, रेल्वे निष्णात अभ्यासक श्री सागर तळवडेकर, श्री विनोद नाईक राणे, श्री अभिमन्यू लोंढे या सर्वानी अथक पाठपुरावा केल्यानंतर कोकणी जनतेला यश मिळवून दिले.