🛑कुडाळ – रेल्वेस्टेशन रस्त्यावर सुरक्षेच्या दृष्टीने उपाययोजना करा नगरसेविका सौ.आफ्रिन करोल यांची बांधकाम विभागाकडे मागणी.

✒️लोकसंवाद /- कुडाळ.

कुडाळ ते रेल्वेस्टेशन या रस्त्याचे आणि ब्रिजचे सद्या नूतनिकरण काम सुरु आहे त्या रस्त्याच्या रस्त्याच्या दोन्ही बाजूस रहदारीस कोणत्याही प्रकारची सुरक्षा दिसत नाही त्यामुळे रस्त्याच्या सुरक्षेसाठी त्या ठिकाणी रेलिंग तसेच रेडियम ब्लिंकर, रस्ता सुरक्षा दर्शक फलक लावले नसून ते लावावेत अन्यथा नागरिकांना अपघाताला सामोरे जावे लागणार आहे म्हणून माजी नगराध्यक्ष तथा नगरसेविका सौ.आफ्रिन करोल यांनी सार्वजनिक बांधकाम विभागाकडे सुरक्षेच्या दृष्टीने बांधकाम चे कार्यकारी अभियंता यांच्या जवळ लेखी निवेदन देत मागणी केली आहे.

कुडाळ नगरपंचायत हद्दीतील कुडाळ ते रेल्वे स्टेशन हा रस्ता सार्वजनिक बांधकाम विभागामार्फत मजबुतीकरण करण्यात येत आहे.सदर रस्ता नागरिक, विद्यार्थी, प्रवासी तसेच वाहनचालक यांच्याकडून मोठ्या प्रमाणात वापरला जातो तसेच, मुंबई वरून येणाऱ्या बहुतांशी रेल्वे गाड्या ह्या कुडाळ रेल्वे स्टेशनवर थांबतात त्यामुळे हाच मार्ग हत्वाचा रहदारीचा असल्यामुळे त्या रस्तावर सुरक्षेच्या दृष्टीने उपयोजना व्हावी.रस्त्याच्या काही भागांमध्ये आवश्यक ते संरक्षक रेलिंग नसल्यामुळे वाहन घसरणे,रस्त्याबाहेर जाणे तसेच अपघात घडण्याची शक्यता निर्माण झाली आहे.विशेषतः पावसाळ्यात व रात्रीच्या वेळी या समस्येमुळे नागरिकांच्या सुरक्षिततेचा प्रश्न गंभीर बनला आहे.

यापूर्वीही किरकोळ अपघातांच्या घटना घडल्याची माहिती स्थानिक नागरिकांकडून मिळत आहे.त्यामुळे नागरिकांच्या जीवित व मालमत्तेची सुरक्षितता लक्षात घेऊन तातडीने संरक्षक कठडा, रेलिंग इत्यादी उपाययोजना कराव्यात तसेच रात्रीच्या वेळी प्रवासी, नागरीक,वाहनचालक, यांना सुरक्षीत रहदारीसाठी रेडियम ब्लिंकर तसेच रस्ता सुरक्षा दर्शक फलक इ. बसविणेत यावेत अन्यथा सदर ठिकाणी कोणत्याही दुर्घटना अपघात घडल्यास त्याची सर्वस्वी जबाबदारी आपल्या कार्यालयाची राहील असे कुडाळ कुडाळ नगरपंच्यायत चे माजी नगराध्यक्ष तथा,नगरसेविका सौ.आफ्रिन करोल यांनी सार्वजनिक बांधकाम विभागाला लेखी निवेदन देत बांधकाम विभागाचे लक्ष वेधले आहे.