🛑सिंधुदुर्ग जिल्हा भंडारी महासंघाची सभा वेंगुर्ला येथे खेळीमेळीत संपन्न..

✒️लोकसंवाद /- वेंगुर्ला.

सिंधुदुर्ग जिल्हा भंडारी महासंघाच्या कार्यकारीणीची मासीक सभा आज दिनांक 21.06.2026.रोजी वेंगुर्ला येथील साईमंगल कार्यालय येथे भंडारी महासंघाचे पदाधिकारी कार्यकारणी सदस्य पदसिद्ध सदस्य यांच्या उपस्थितीत उत्साहात पार पडली.सभेच्या अध्यक्ष स्थानी महासंघाचे अध्यक्ष श्री हेमंत करंगुटकर होते.

सभेच्या सुरुवातीला कुडाळ येथील वासुदेव पावसकर,आणि मालवण येथील सुनील वायंगणकर यांचे दुःखत निधन झाले तसेच इतर देवाज्ञा झालेल्या भंडारी अज्ञात ज्ञाती बांधवाना दोन मिनिट श्रद्धांजली वाहून त्यानंतर सभा सुरु करण्यात आली.सभेचे विषय पत्रानुसार सभेचे कामकाज प्रत्येक विषयावर चर्चा करन निर्णय घेण्यात आले.

जिल्हा भंडारी महासंघाने मागील 30मे 2026 रोजी घेतलेल्या रोजगार मेळावा यशस्वी करण्यासाठी मेहनत घेतलेल्या महासंघाच्या पदाधिकाऱ्यांच्या आणि सदस्यांचे अभिनंदन करण्यात आले.तसेच दोडामार्ग तालुका भंडारी मंडळ, कट्टा भंडारी मंडळ या मंडळाचे महासंघाच्या वतीने दहावी /बारावी कौतुक सभारंभ आणि विद्यार्थी गुणगौरव कार्यक्रम घेतल्याबद्दल त्या तालुक्यांचे अभिनंदन करण्यात आले.तसेच सिंधुदुर्ग भंडारी महासंघ भवनासाठी करत असलेल्या प्रयत्वांना यश येत आहे त्यामुळे लवकरच हे काम पूर्णत्वास येईल.त्यासाठी लागणारी मदत महासंघाच्या माध्यमातून करण्यात येईल.”त्यानंतर जमा खर्च वाचन करून वार्षिक सर्व साधारण सभेच्या तारखे बाबत चाचपणी करण्यात आली.आजच्या सभेत महासंघ पदाधिकारी आणि सदस्य यांनी चर्चेत सहभाग घेत काही सदस्यानी महत्त्वाच्या सूचना केल्या आणि सभा खेळी- मेळीच्या वातावरणात संपन्न झाली.

यावेळी भंडारी जिल्हाध्यक्ष श्री. तुकाराम उर्फ हेमंत करंगुटकर,माजी जिल्हाध्यक्ष श्री. रमण वायंगणकर,सचिव श्री भरत आवळे, श्री.विकास वैद्य,भंडारी युवामोर्चा जिल्हाध्यक्ष श्री.समिल जळवी, श्री.नारायण गोडकर,श्री.प्रियदर्शन कुडव,श्री. बाळा पावसकर,श्री. निलेश गोवेकर,श्री. प्रवीण आचेरकर, श्री. चंदन पांगे,सावंतवाडी भंडारी तालुकाध्यक्ष श्री. प्रसाद अरविंदेकर,श्री.आत्माराम बंगे,श्री.जि. प. सदस्य श्री.रुपेश पावसकर, श्री.शेखर गवंडे, श्री. नामदेव साटेलकर, श्री. मोहन गवंडे,श्री. विठोबा पालयेकर, श्री. उदय मयेकर,श्री. चंद्रकांत खडपकर, श्री.सिद्धार्थ पराडकर अन्य भंडारी समाज बांधव उपस्थित होते.