🛑सावंतवाडी शहराच्या सर्वांगीण विकासासाठी आमदार प्रमोद जठार यांनी महत्त्वपूर्ण पावले..

✒️लोकसंवाद /- सावंतवाडी.

सावंतवाडी शहराच्या सर्वांगीण विकासासाठी आमदार प्रमोद जठार यांनी महत्त्वपूर्ण पावले उचलली असून, आज त्यांनी सावंतवाडी नगरपालिकेला विशेष भेट दिली. या भेटीदरम्यान नगरपालिकेच्या नगराध्यक्षा श्रद्धा राजे भोसले यांनी त्यांचे स्वागत केले.​शहरातील विविध विकासकामांचा आढावा घेत असताना, आमदार जठार यांनी सावंतवाडीच्या प्रगतीसाठी लागणारे सर्वतोपरी सहकार्य आणि निधी उपलब्ध करून देण्याचे आश्वासन दिले. “सावंतवाडीच्या विकासासाठी मी सदैव कटिबद्ध असून, शहराच्या प्रश्नांवर प्राधान्याने काम केले जाईल,” असेही त्यांनी याप्रसंगी व्यक्त केले.​या भेटच्या वेळी जिल्हा परिषद अध्यक्ष प्रमोद कामत, भाजपा जिल्हाध्यक्ष प्रभाकर सावंत, नगराध्यक्षा श्रद्धाताई भोसले, महिला मोर्चा अध्यक्षा श्वेताताई कोरगावकर, मंडल अध्यक्ष व आरोग्य सभापती सुधीर आडीवडेकर, उपनगराध्यक्ष अनिल निरवडेकर, रणजीत देसाई, नियोजन सभापती आनंद नेवगी आणि पाणीपुरवठा सभापती प्रतीक बांदेकर यांच्यासह अनेक पदाधिकारी व कार्यकर्ते उपस्थित होते.