🛑दहावी मध्ये उत्कृष्ट यश संपादन केलेल्या विद्यार्थ्यांना जि. प. सदस्य सडवेलकर यांनी केले सन्मानित..

✒️लोकसंवाद /- कुडाळ.

साळगांव मधील रुची शरद माळकर हिने 10 मध्ये 93% गुण मिळवून यश संपादन केले त्याबद्दल जिल्हा परिषद सदस्य श्री गुरु सडवेलकर यांनी शाल श्रीफळ व सन्मान चिन्ह देऊन सत्कार करून पुढील शैक्षणिक वाटचालीसाठी शुभेच्छा दिल्या.

यावेळी उपविभाग प्रमुख सचिन ठाकूर, दत्ता लाड, ग्रामपंचायत सदस्य बाबाजी सावंत, सदस्या सौ तृप्ती सावंत, सदस्या कुमारी सिद्धी मेस्त्री, युवासेनेचे सचिन धुरी,सूरज घाटकर, देवेंद्र राऊळ,ओंकार गायचोर, प्रमोद सावंत, शरद माळकर, बंड्या कोरगावकर आदी पदाधिकारी कार्यकर्ते उपस्थित होते.

शैक्षणिक क्षेत्रात विद्यार्थ्यांना नेहमीच प्रोस्ताहन देऊन विविध स्पर्धा परीक्षा मार्गदर्शन शिबिर आयोजित करत मुलांच्या उज्ज्वल भविष्यासाठी नेहमीच पाठीशी राहणारी व्यक्ती म्हणजे गुरु सडवेलकर अशी ख्याती असलेले सडवेलकर आता जिल्हा परिषद सदस्य झाल्यानंतर शिक्षण क्षेत्रात तसेच कृषी क्षेत्रात सर्वांना न्याय देतील यात शंका नसल्याचे पिंगुळी विभागात बोलले जात आहे.