🛑फिट आल्याने कोलगाव येथील युवकाचा दुर्दैवी मृत्यू.

✒️लोकसंवाद /- सावंतवाडी.

सावंतवाडी तालुक्यातील कोलगाव भोमवाडी येथील किशोर मुकुंदा मेजारी (वय २९) यांचा फिट आल्याने दुर्दैवी मृत्यू झाल्याची घटना घडली आहे. मेजारी यांना यापूर्वीपासून हृदयविकाराचा तसेच फिट येण्याचा त्रास होता,अशी माहिती समोर आली आहे.मिळालेल्या माहितीनुसार, काल दि. ४ मे रोजी रात्री सुमारे ८ वाजण्याच्या सुमारास ते कामावरून मोटरसायकलने परतत असताना बाजार परिसरात अचानक फिट आल्याने रस्त्याच्या कडेला कोसळले.घटनेनंतर उपस्थित स्थानिक नागरिकांनी तात्काळ धाव घेत त्यांना उपचारासाठी उपजिल्हा रुग्णालयात हलविले.मात्र, रुग्णालयात नेल्यानंतर डॉक्टरांनी तपासणी करून त्यांना मृत घोषित केले. या घटनेची माहिती पोलीस पाटील श्री. राऊळ यांनी दिल्यानंतर सावंतवाडी पोलीस ठाण्यात अकस्मात मृत्यूची नोंद करण्यात आली असून पुढील तपास सुरू आहे.या दुर्दैवी घटनेमुळे परिसरात हळहळ व्यक्त होत आहे.