🛑मुलींचे दिमाखदार यश – साळगाव हायस्कूलची मान उंचावली.

✒️लोकसंवाद /- कुडाळ.

महाराष्ट्र राज्य माध्यमिक व उच्च माध्यमिक शिक्षण मंडळाचा बारावी (HSC) परीक्षेचा निकाल आज जाहीर करण्यात आला. साळगाव हायस्कूलचा यंदा एकूण निकाल सुमारे 88 टक्के लागला असून विद्यार्थिनींनी दिमाखदार यश संपादन करत शाळेची मान उंचावली आहे.
गुणवंत यादीत मुलींचे वर्चस्व ठळकपणे दिसून आले असून,
प्रथम क्रमांक: निकिता वासुदेव देवळी – 72.67%
द्वितीय क्रमांक: कोमल प्रशांत चव्हाण – 66%
तृतीय क्रमांक: वैष्णवी वासुदेव गडकर – 61%
या विद्यार्थिनींनी कठोर परिश्रम, जिद्द आणि चिकाटीच्या बळावर हे यश संपादन करत शाळेचे नाव उज्ज्वल केले आहे. त्यांच्या या यशामुळे संपूर्ण शाळा आणि परिसरात आनंदाचे वातावरण निर्माण झाले आहे.

या यशाबद्दल शाळेचे मुख्याध्यापक सलीम तकीलदार, संस्थेचे अध्यक्ष मुकुंद धुरी, सचिव प्रदीप तेंडोलकर, सर्व पदाधिकारी, शिक्षक व शिक्षकेतर कर्मचारी तसेच ग्रामस्थ यांनी सर्व यशस्वी विद्यार्थिनींचे अभिनंदन करून त्यांच्या पुढील वाटचालीस शुभेच्छा दिल्या आहेत.
साळगाव हायस्कूलच्या मुलींचे हे यश संपूर्ण गावासाठी अभिमानाची बाब ठरली आहे.