🛑डोक्याच्या मध्यभागी गोळी मारून सुशांत दळवी यांचा खुन.

✒️लोकसंवाद /- कणकवली.

कणकवली तालुक्यातील बांधकाम व्यावसायिक सुशांत दळवी यांचा खून जुन्या वैमनस्यातून झाला असण्याची शक्यता स्थानिकांकडून व्यक्त झाली. तसेच हा खून मध्यरात्रीनंतर झाला असावा असा अंदाज आहे. शहरातील मुडेश्वर मैदान समोरील गणेश नगर भागात एका ठेकेदाराचे कामगार नदी पात्रात अंघोळीसाठी जात असताना त्यांना वाटेत मृतदेह आढळून आला. त्यानंतर याबाबतची माहिती कणकवली पोलिसांना देण्यात आली. कणकवली पोलीस पथक तसेच फॉरेन्सिक लॅब टीम तातडीने गणेश नगर भागात दाखल झाली. सकाळी साडेदहाच्या सुमारास मृतदेह कणकवली उपजिल्हा रुग्णालयात हलवण्यात आला असून तेथे शवविच्छेदन होणार आहे. सुशांत दळवी यांच्या डोक्याच्या मध्यभागी गोळी मारून त्यांचा खून झाल्याचा प्राथमिक अंदाज आहे मात्र अशा विच्छेदन अहवालानंतर त्याबाबत अधिक स्पष्टता येणार आहे.