🛑चालती दुचाकी अचानक आग लागून पेट घेते तेव्हा.?

✒️लोकसंवाद /- सावंतवाडी.

सावंतवाडी तालुक्यातील कारिवडे येथे चालत्या दुचाकीने अचानक पेट घेतला. शॉर्टसर्किटमुळे ती पूर्णतः जळून खाक झाल्याची घटना आज दुपारच्या सुमारास घडली. सुदैवाने या घटनेत कोणतीही जीवितहानी झाली नाही. कारिवडे गावातील वायरमन ऋषिकेश परब हे आपल्या दुचाकीवरून जात असताना अचानक वाहनातून धूर निघू लागला. काही क्षणांतच दुचाकीने पेट घेतला. प्रसंगावधान राखत त्यांनी तात्काळ दुचाकी बाजूला घेत सुरक्षित अंतर राखल्यामुळे मोठी दुर्घटना टळली.घटनेची माहिती मिळताच परिसरातील नागरिकांनी घटनास्थळी धाव घेतली. काही नागरिकांनी आग विझवण्याचा प्रयत्न केला. मात्र, काही मिनिटांतच दुचाकी पूर्णतः जळून खाक झाली. प्राथमिक अंदाजानुसार शॉर्टसर्किटमुळे आग लागल्याचे सांगितले जात आहे.