🛑जिल्ह्यातील पहिल्या स्वयंचलित गुळ निर्मिती प्रकल्पाच्या मोळी पूजन समारंभ पालकमंत्री नितेश राणे यांच्या हस्ते संपन्न.

◼️जिल्ह्यातील स्थानिक तरुणांनी उद्योगाच्या माध्यमातून पुढे यावे.

🖋️लोकसंवाद /- वैभववाडी.

सिंधुदुर्ग जिल्ह्यातील सद्याच्या परिस्थितत तरुण पिढीचे होणारे स्थलांतर थांबवायचे असेल तर जिल्ह्यात उद्योगधंदे निर्माण व्हायला पाहिजेत.यासाठी स्थानिक तरुणांनी उद्योगाच्या माध्यमातून पुढे यावे,असे आवाहन पालकमंत्री नितेश राणे यांनी आज येथे केले.दरम्यान येथील तरुणांनी एकत्र येऊन सुरू केलेला गुळ निर्मिती उद्योग ही अभिमानास्पद बाब आहे.अशा प्रकल्पांना संपूर्ण सहकार्य असून या प्रकल्पामुळे सिंधुदुर्ग जिल्ह्याच्या अर्थकारणाला चालना मिळेल,असे ही ते म्हणाले.अष्टकृपा प्रायव्हेट लिमिटेड, नाधवडे वैभववाडी यांच्या वतीने सिंधुदुर्ग जिल्ह्यातील पहिल्या स्वयंचलित गुळ निर्मिती प्रकल्पाच्या मोळी पूजन व लोगो अनावरण सोहळा श्री. राणे यांच्या हस्ते पार पडला. यावेळी ते बोलत होते. यावेळी जिल्हा बँक संचालक दिलीप रावराणे, पणन महासंघाचे संचालक प्रमोद रावराणे, सामाजिक कार्यकर्ते, उद्योजक, ग्रामस्थ उपस्थित होते.