🛑वेंगुर्ला शहरातील माझ्या क्रमांक १ ब प्रभागातील जनता माझ्या पाठीशी खंभीरपणे उभी आहे.;ॲड. मनीष सातार्डेकर.

🖋️लोकसंवाद /- वेंगुर्ला.

वेंगुर्ला शहरातील प्रभाग क्रमांक १ ब मधील जनता माझ्या पाठीशी खंभीरपणे उभी असल्याचा विश्वास वेंगुर्ला नगरपरिषद प्रभाग क्रमांक १ ब चे राष्ट्रवादी कॉंग्रेस पार्टीचे उमेदवार
अॅड. श्री. मनीष वामन सातार्डेकर यानी व्यक्त केला आहे.
मी गेली सुमारे १५ वर्षे वेंगुर्ला शहराच्या विकासासाठी विविध माध्यामातुन प्रयत्न करत असुन वेंगुर्ला शहरातील प्रश्न मार्गी लागावे याकरीता वेळोवेळी प्रयत्न केलेले आहेत याचाच
फायदा मला या निवडणुकीत होणार असुन मतदार संघात फिरुन लोकांशी संवाद साधतेवेळी मतदारांना देखील माझ्या कामाची पद्धत आवडत असुन मी मांडलेले वेंगुर्ला शहरातील खड्डयांचा प्रश्न असो, सांडपाण्याचा प्रश्न असो, वाहतुक कोंडी, मोकाट जनावरांच्या कोंडवाड्याचा प्रश्न
असो वा मोकाट कुत्र्यांच्या नसबंदीचा प्रश्न असो की घरपट्टी वाढीचा प्रश्न असो तसेच वॉटर एटीएम्, गार्डनची दुरावस्था, रस्ते खोदाई, उघडी गटारे, डासांच्या नियंत्रणासाठी फवारणी,
झुलत्या पुलावर विद्युत रोषणाई, पर्यटन दृष्ट्या वेंगुर्लांचा विकास, वृक्षतोड व वृक्षारोपण अशा विविध प्रश्नांना वाचा फोडुन ते मार्गी लावण्यासाठी वेळोवेळी प्रयत्न केलेले आहेत. त्यामुळे केलेली कामे लोकांच्या मनात घर करुन आहे. त्यामुळे एक सुशिक्षित कायद्याची जाण असलेला
व वेंगुर्ला शहरातील समस्याबाबत आपले परखडपणे मत व्यक्त करणारा नगरसेवक जनतेला हवा आहे अशी भावना प्रभागातील मतदारांमध्ये आहे व त्यामुळेच यावेळी माझा विजय निश्चित असल्याची भावना ॲड. मनीष सातार्डेकर यानी व्यक्त केली आहे.
वेंगुर्ला शहराच्या तसेच प्रभागाच्या सर्वांगीण विकासासाठी आवश्यकतो निधी मा.उपमुख्यमंत्री श्री. अजितदादा पवार याच्या माध्यामातुन आणला जाईल व वेंगुर्लाच्या सर्वांगीण
विकासाला मदत होईल तसेच प्रभागातील विविध समस्या मार्गी लागतील प्रभाग क्रमांक १ मध्ये सांडपाणी व्यवस्थापन,गटारे,दिवाबत्ती, मोकाट कुत्रे व जनावरे तसेच शुद्ध पाणी असे प्रमुख प्रश्न असुन ते मार्गी लावण्यासाठी सुशिक्षित जाणकार नगरसेवक निवडुन येणे काळाची गरज
असुन मतदार संघात लोकांशी संवाद साधतेवेळी तेथील मतदार आपल्यासारखा कायद्याची जाण असलेला व नेहमी वेंगुर्लाच्या सर्वांगीण विकासासाठी आवाज उठवणारा नगरसेवक हवा असल्याचे मतदार सांगत असल्याने यावेळी प्रभागातील जनता माझ्या पाठीशी खंभीरपणे उभी असुन यावेळी प्रभागातील मतदार मला वेंगुर्ला शहराचा नगरसेवक म्हणुन सेवा करण्याची संधी नक्की देतील असा विश्वास मला आहे. तसेच मी मांडलेले जनहिताचे विविध प्रश्न जनतेच्या मनात घर करुन असुन त्यांना काम करणारा नगरसेवक हवा असल्याने मी केलेले काम वेंगुर्ला शहराच्या विकासासाठी व वेंगुर्ला शहराच्या प्रश्नांना वाचा फोडण्यासाठी वेंगुर्ला शहराच्या प्रश्नांची जाण असलेला नगरसेवक निवडुन देण्याचे प्रभागातील मतदाराने ठरविलेले असल्याने यावेळी माझा विजय पक्का असल्याचे मत प्रभाग क्रमांक १ ब चे राष्ट्रवादी काँग्रेस पार्टीचे. उमेदवार ॲड. श्री. मनीष वामन सातार्डेकर यानी व्यक्त केले आहे.