🛑शासन/पोलिस प्रशासनाच्या विरोधात हडी ग्रामपंचायत येथे सुरु असलेल्या मयूर करंगुटकर यांच्या उपोषणाला भंडारी महासंघाचा पाठिंबा.

🖋️लोकसंवाद /- मालवण.

हडी येथील मयूर करंगुटकर यांचे शासन,पोलिस प्रशासनाच्या विरोधात हडी ग्रामपंचायत येथे सुरु असलेल्या आमरण उपोषणाला आज बुधवारी तिसऱ्या दिवशी सिंधुदुर्ग जिल्हा भंडारी महासंघाच्या वतीने आणि मालवण तालुका भंडारी मंडळाच्या वतीने जाहीर पाठिंबा देण्यात आला.यावेळी सिंधुदुर्ग जिल्हा भंडारी महासंघाचे पदाधीकारी यांनी श्री.मयूर करंगुटकर यांची बाजु समजुन घेतली आणि जिल्हा भंडारी महासंघाचा या उपोषणाला पाठिंबा दर्शवीला.यावेळी जिल्हाभंडारी महासंघाचे कार्याध्यक्ष श्री.राजू गवंडे,जिल्हाभंडारी युवामोर्चा जिल्हाध्यक्ष श्री.समिल जळवी,जिल्हाभंडारी महासंघाचे जिल्हा कार्यकारणी सदस्य आणि मालवण तालुका भंडारी अध्यक्ष श्री.रवींद्र तळाशिलकर,भंडारी जिल्हा कार्यकारणी सदस्य श्री. श्रीकांत वेंगुर्लेकर,श्री. भाऊ साळगावकर,जिल्हाभंडारी महासंघ सदस्यां सौ.मनाली करंगुटकर अन्य भंडारी समाज बांधव उपस्थित होते.

हडी गावचे ग्रामस्थ कु.मयुर करंगुटकर यांचे शासन/पोलिस प्रशासन यांच्या विरोधात हडी ग्रामपंचायत कार्यालयासमोर आमरण उपोषण सुरू केले आहे.ग्रामपंचायत हडी कार्यक्षेत्रातील ग्रामपंचायत हडी मालकीची उत्पन्न देणारी आंबा कलमे ठेकेदार व ग्रामपंचायत हडी यांच्याकडून तोडण्यात आल्याची तक्रार संबंधित कार्यालये व पोलिस स्टेशन यांच्याकडे करूनही कोणतीही चौकशी न करता संबंधितांवर कोणतीही कारवाई न केल्यामुळे शासन/पोलिस प्रशासन यांच्या विरोधात सोमवार दिनांक 27.10.2025 पासुन कु.मयुर मदन करंगुटकर यांनी सकाळी 11 वाजल्यापासून ग्रामपंचायत हडी यांचे कार्यालयासमोर आमरण उपोषनास सुरु केले आहे.कु.मयुर मदन करंगुटकर यांच्या या उपोषणास सिंधुदुर्ग जिल्हा भंडारी महासंघ आणि मालवण तालुका भंडारी मंडळाने उपोषण स्थळी भेट देऊन त्यांच्या या आमरण उपोषणास पाठिंबा दर्शवला आहे.यावेळी हडी गावातील ग्रामस्थ श्री.संतोष अमरे,श्री. महेश सुर्वे,श्री. जितेंद्र कदम, श्री. रवींद्र सुर्वे, श्री. रत्नदिप कदम, श्री. अशोक चव्हाण अन्य उपस्थित होते.त्यामुळे आता करंगुटर यांच्या उपोषणाची पुढील दिशा काय असणार हे पाहावे लागणार आहे.