🛑भंडारी समाज ऐक्यवर्धक मंडळ वेंगुर्लाची नूतन कार्यकारणी पहिली मासिक सभा संपन्न..

🖋️लोकसंवाद /- वेंगुर्ला.

भंडारी समाज ऐक्यवर्धक मंडळ वेंगुर्ला ची सन 2025-26 ते सन 27-28 या कालावधीतील नूतन कार्यकारणीची पहिली मासिक सभा भंडारी समाज ऐक्यवर्धक मंडळाचे अध्यक्ष प्रा ऍड डॉ आनंद बांदेकर यांच्या अध्यक्षतेखाली मंडळाच्या कार्यालयात हॉस्पिटल नाका वेंगुर्ला येथे संपन्न झाली यावेळी विविध विषया वर सकारात्मक चर्चा झाली तसेच यावेळी येत्या काही महिन्यात कोचरा, वायंगणी, आसोली व रेडी येथे शासन आपल्या दारी व रक्तदान शिबीर हे उपक्रम घेण्याचे निश्चित करण्यात आले तसेच मंडळाच्या वाढीसाठी विविध गावामध्ये महिला सक्षमीकरण उपक्रम राबविण्याचे ठरविले तर काही गावामध्ये 10 वी व 12 वी च्या विद्यार्थ्यांसाठी करिअर च्या संधी या विषयावर व्याख्यानाचे आयोजन करण्याचे ठरविण्यात आले. यावेळी भंडारी समाज ऐक्यवर्धक मंडळाचे संचालक श्री जयराम वायंगणकर यांची सिंधुदुर्ग ज़िल्हा भंडारी सहकारी पथ संस्था वेंगुर्ला च्या चेअरमन पदी निवड झाल्याबद्दल मंडळाच्या वतीने डॉ आनंद बांदेकर यांच्या शुभहस्ते शाल, श्रीफळ व बुके देऊन सत्कार करण्यात आला. यावेळी ऍड श्याम गोडकर,गजानन गोलतकर, डॉ गोविंद धुरी, रमण वायंगणकर,सुरेश बोवलेकर, दीपक कोचरेकर, विकास वैद्य, सौ श्रेया मांजरेकर, सौ श्रेया मयेकर, सदानंद केरकर,भरत आवळे, जयराम वायंगणकर उपस्थित होते. इतिवृत्त वाचन व आभार मंडळाचे सचिव डॉ गोविंद धुरी यांनी मानले.