🛑कुडाळ, साळगाव, पिंगळी येथे सात घरफोडी करून चोरी करणाऱ्या सारहीत गुन्हेगाराची जामिनावर मुक्तता.

🖋️लोकसंवाद /- कुडाळ.

कुडाळ, साळगाव व पिंगुळी येथे घर फोडून चोरी केल्या प्रकरणी दि.०९/१०/२०२५ रोजी कुडाळ येथील मे. न्यायाधीश यांनी आरोपींची जामिनावर मुक्तता केली.आरोपीच्या वतीने ॲड. विवेक भालचंद्र मांडकुलकर यांनी केलेला युक्तिवाद ग्राह्य मानून जामिनावर मुक्तता केली तसेच ॲड.प्रणाली मोरे, ॲड.विनय मांडकुलकर, ॲड.वृषांग जाधव, ॲड.सुयश गवंडे यांनी काम पाहिले.

सदर गुन्ह्यात आरोपी रामचंद्र उर्फ अभय अंकुश घाडी याने 1)श्री.नंदन विश्वनाथ गोवेकर रा. सद्गुरु नगर, पिंगळी २) यशवंत गंगाराम नाईक रा. चिंदरकरवाडी, पिंगळी. 3) अशोक सिताराम रामदास रा. सामंतवाडी, झाराप. 4) नंदू दशरथ आरोलकर रा. उत्कर्ष नगर, कुडाळ. 5) अजित नारायण महाडेश्वर रा. गुडीपूर पिंगळी. 6) बाळकृष्ण सोमा पावसकर रा. देऊळवाडी, पिंगुळी 7) सौ. सीमा राऊत रा. साळगाव खेरवाडी येथे चिनी हातोडी चा वापर करत घर फोडी करून टीव्ही,रोख रक्कम, तसेच दागिन्यांची चोरी केली. आरोपी यांस दि.०८/०६/२५ अटक करून मेहरबान न्यायालयात हजर करण्यात आले. फिर्यादींनी दिलेल्या फिर्यादीवरून आरोपी विरुद्ध भारतीय न्याय संहिता कलम ३३१(३),३३१(४),३०५(अ),१३ अन्वये ७ गुन्हे दाखल आहेत.
सदर गुन्ह्याच्या कामी आरोपी तर्फे ॲड. विवेक भालचंद्र मांडकुलकर यांनी कुडाळ येथील मे.न्यायालयात दि.०८/१०/२०२५ रोजी आरोपी यांचा जामीन अर्ज दाखल केला व त्याची सुनावणी ०९/१०/२०२५ रोजी झाली. मे.न्यायालया समोर झालेला युक्तिवाद मे. न्यायालयाने ग्राह्य मानून व दाखल केलेल्या कागदपत्रांचा विचार करून आरोपीला योग्य ते अटी-शर्तीवर व रक्कम रु.२५,०००/- हजार रक्कमेच्या जामिनावर मुक्तता करण्यात आली. आरोपीच्या वतीने ॲड. विवेक मांडकुलकर, ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले