🛑मठ हायस्कुल येथे कारची संरक्षक कठड्याला धडक.

🖋️लोकसंवाद /- वेंगुर्ला.

वेंगुर्ले मठमार्गे सावंतवाडी मार्गांवर अतिवेगाने गाडी चालवीत असताना युवकांने मठ हायस्कुल समोरील कमानीच्या संरक्षक कठड्यास बुधवारी रात्री धडक दिली.यामध्ये मारुती सुझुकी एर्टिका (क्र. MH-07-AS-9796) या गाडीचे लाखो रुपयांचे नुकसान झाले आहे.तसेच संरक्षक कठड्याचेही नुकसान झाले आहे.दरम्यान यावेळी गस्तीवर असणाऱ्या वेंगुर्ले पोलीस निरीक्षक निसर्ग ओतारी,पोलीस नाईक स्वप्नील तांबे, पोलीस हवालदार डीसोजा यांनी अपघाताबाबत विचारणा केली असता चालकाने संबंधित पोलिसांनाच शिवीगाळ व धमकी दिली.याप्रकरणी संशयितावर वेंगुर्ले पोलीस स्थानकात गुन्हा दाखल करण्यात आला आहे.याप्रकरणी पीएसआय योगेश राठोड हे अधिक तपास करीत आहे.