🛑वेंगुर्ले भाजपतर्फे आयोजित रक्तदान शिबिरात 126 दात्यांचे रक्तदान.

🖋️लोकसंवाद /- वेंगुर्ला.

पंतप्रधान नरेंद्र मोदी यांच्या वाढदिवसाचे औचित्य साधून भाजपने वेंगुर्ल्यात आयोजित केलेल्या महारक्तदान शिबिरात १२६ दात्यांनी रक्तदान करून मोदीप्रती कृतज्ञता व्यक्त केली. भाजपतर्फे पंतप्रधानांच्या वाढदिवसाचे औचित्य साधून सेवा पंधरवडा साजरा केला जात आहे. याचाही शुभारंभ भाजपचे जिल्हाध्यक्ष प्रभाकर सावंत, जिल्हा बँक अध्यक्ष मनिष दळवी व बॅरिस्टर बाळासाहेब खर्डेकर महाविद्यालयाचे प्राचार्य डॉ. धनंजय गोस्वामी यांच्या प्रमुख उपस्थितीत वेंगुर्लात करण्यात आला.

बॅरिस्टर खर्डेकर महाविद्यालयात आयोजित केलेल्या या कार्यक्रमास पावेळी व्यासपीठावर भाजपचे जिल्हाध्यक्ष प्रभाकर सावंत, सिंधुदुर्ग जिल्हा बँकेचे अध्यक्ष मनिष दळवी, खर्डेकर महाविद्यालयाचे प्राचार्य डॉ. धनंजय गोस्वामी, जिल्हा उपाध्यक्ष प्रसन्ना देसाई , ज्येष्ठ नेते राजु राऊळ , वेंगुर्ले तालुका भाजप मंडळ अध्यक्ष विष्णू उर्फ पपू परब, जिल्हा उपाध्यक्ष अॅड. सुषमा प्रभूखानोलकर, माजी नगराध्यक्ष दिलीप गिरप, जि.का.का.सदस्य सुहास गवंडळकर, महिला मोर्चा तालुकाध्यक्ष सुजाता पडवळ, मच्छीमार नेते दादा केळुसकर, पदाधिकारी साईप्रसाद नाईक, युवा मोर्चा तालुकाध्यक्ष प्रणय वायंगणकर, पत्रकार महेंद्र मातोंडकर आदी व्यासपीठावर उपस्थित होते.