🛑आंदुर्लेची सुकन्या पखवाज विशारद कु.श्रृतिका मोर्ये ठरली युथ फेस्टिवल 2025 ची सुवर्ण विजेती.

🖋️लोकसंवाद /-सिंधुदुर्ग.

पखवाज एकल वादनामध्ये सुवर्ण पदक पटकावणारी ती पहिलीच विद्यार्थीनी (महिला) ठरली आहे. हे पदक पटकावून तीने हा सन्मान संत राऊळ महाराज महाविद्यालय, कुडाळच्या नावे नोंदवीला आहे.मुंबई येथे नुकत्याच पार पडलेल्या 58 व्या इन्टरल कॉलेज कल्चरल युथ फेस्टिवल मध्ये क्लासिकल इन्स्ट्रुमेंटल सोलो, तालवाद्य प्रकारामध्ये पखवाज सोलो वादना मध्ये सुवर्ण पदक मिळवणारी पहिली महिला (विद्यार्थीनी) ठरली आहे.

राज्य भरातील कानाकोपऱ्यातून या स्पर्धेत सहभागी झालेल्या अव्वल दर्जाच्या 36 स्पर्धकांमध्ये तिचा सहभाग होता, विविध ताल वाद्य प्रकारातील पखवाज एकल वादन सादरीकरणामध्ये कु. श्रृतिका मोर्ये हिने अव्वल क्रमांक पटकावून, फक्त मुंबई युनिव्हर्सिटीतच नव्हे तर महाराष्ट्र राज्यात, सिंधुदुर्ग जिल्ह्यात, कुडाळ तालुक्यात आणि ती शीकत असलेल्या संत राऊळ महाराज महाविद्यालयात आपल्या या यशस्वीततेची नोंद सुवर्णाक्षरांमध्ये नोंदवली आहे.

पखवाज विशारद कु श्रुतिका मोर्ये हिच्या या सुवर्ण यशामुळे, ती शिकत असलेल्या संत राऊळ महाराज महाविद्यालय, तसेच प. पू. नामदेव महाराज संगीत विद्यालयाची मान सन्मानाने उंचावली आहे.या तिच्या अभुतपूर्व यशामागे तिला मार्गदर्शन करणारे व तिच्या पाठिशी खंबीरपणे उभे राहणारे तिचे आई-वडील, संत राऊळ महाराज महाविद्यालयातील शिक्षक वर्ग व प. पू नामदेव महाराज संगीत विद्यालयाचे संचालक गुरुवर्य आनंद मोर्ये गुरुजी या सर्वांचे सुयोग्य मार्गदर्शन व शुभाशिष आहेत.

कु. श्रुतिका मोर्ये हिला मिळालेल्या या सुवर्ण यशामुळे तिचे, तिच्या गावाचे आणि सिंधुदुर्ग जिल्ह्याचे नाव सुवर्ण नोंदणीकृत ठरले आहे. तिला मिळालेलं हे यश निश्चितच जिल्ह्यातील महाविद्यालयीन विद्यार्थ्यांना प्रोत्साहनात्मक व दिशादर्शक ठरेल.पखवाज विशारद कु श्रुतिका मोर्ये हिने मेहनत, चिकाटी,आणि सातत्यपूर्ण प्रयत्नांनी मिळवलेल्या या यशासाठी तिला आणि तिच्या भविष्यातील वाटचालीसाठी शुभेच्छा.