🛑ग्रामविकास मंत्री योगेश कदम यांना महाराष्ट्र राज्य प्राथमिक शिक्षक समितीची TET संदर्भाने निर्माण झालेल्या प्रश्न अनुषंगाने भेट.

🖋️लोकसंवाद /- समिल जळवी, सिंधुदुर्ग.

राज्य ग्रामविकास मंत्री ना. योगेशजी कदम महोदय यांना महाराष्ट्र राज्य प्राथमिक शिक्षक समितीच्या वतीने TET संदर्भाने निर्माण झालेल्या प्रश्न अनुषंगाने निर्माण झालेली परिस्थिती आणि राज्यभरातील लाखो शिक्षक या निर्णयामुळे बाधित होणार असल्याने महाराष्ट्र शासनामार्फत पुनर्विलोकन याचिका दाखल करावी अशी मागणी केली. राज्यशाखेने दिलेल्या निवेदनासोबत जिल्ह्याचे कव्हरिंग लेटर जोडून निवेदन देण्यात आले.

ना. योगेशजी कदम यांनी या विषयाची मला कल्पना असून मा. उप मुख्यमंत्री सन्मा. एकनाथजी शिंदे यांची भेट घडवून आणण्याची ग्वाही दिली. माजी शिक्षण मंत्री सन्मा. दिपकजी केसरकर यांना सुद्धा निवेदन देण्यात आले यावेळी राज्य सरचिटणीस राजन कोरगावकर, जिल्हाध्यक्ष विठ्ठल गवस, जिल्हा सरचिटणीस तुषार आरोसकर,विभागीय सचिव संतोष परब, राज्य पदाधिकारी प्रशांत मडगांवकर, माजी जिल्हाध्यक्ष तथा संचालक नारायण नाईक,सावंतवाडी अध्यक्ष समीर जाधव, दोडामार्ग अध्यक्ष महेश काळे, सावंतवाडी माजी अध्यक्ष सतीश राऊळ,कुडाळ उपाध्यक्ष एकनाथ सावंत, रोहित गणफुले,हंसा गवस उपस्थित होत्या.