🛑सिंधुदुर्ग जिल्ह्यातील त्या ४०वाळू माफीयांवर जिल्हाधिकारी कारवाई केव्हा करणार ?

🖋️लोकसंवाद /- समिल जळवी, सिंधुदुर्ग.

महाराष्ट्र राज्याचे महसूलमंत्री मा. नाम.चंद्रकांत बावनकुळे हे सिंधुदुर्ग जिल्ह्याच्या दौऱ्यावर असताना महसूलमंत्री यांनी स्पष्ट सांगितले आहे की,सिंधुदुर्ग जिल्ह्यात चाळीस वाळू माफिया आहेत.आणि या वाळू माफीयांवर आपण एम पी डी ए अंतर्गत कारवाई करणार असल्याचे राज्याचे महसूलमंत्री चंद्रकांत बावनकुळे यांनी सांगितले.या महसूलमंत्र्यांच्या आदेशाला जिल्हा प्रशासन कश्या प्रकारे पाहतेय हे येणाऱ्या काळात दिसेल.जिल्हा प्रशासनाचे अधिकारी आणि वाळू माफिया यांच्यातील कनेक्शन जोपर्यंत थांबत नाहीत,तोपर्यंत वाळू चोरी थांबणार नाही.ही वाळू चोरी थांबविण्यासाठी महाराष्ट्र शासनाने महाराष्ट्र धोकादायक व्यक्ती प्रतिबंधक (एम पी डी ए) हा कडक कायदा केला आहे.परंतु, त्याची अंमलबजावणी अधिकारी करीत नाहीत.सिंधुदुर्ग जिल्ह्यात ४० व्यक्ती वाळू माफिया म्हणून निश्चित करण्यात आलेल्या आहेत.या सर्व व्यक्तींवर महाराष्ट्र धोकादायक व्यक्ती प्रतिबंधक कायदा अंतर्गत जिल्हाधिकारी आणि जिल्हा पोलिसअधीक्षक यांनी कारवाई करावी,अशा सूचना महसूलमंत्री यांनी दिल्या आहेत.या महसूलमंत्र्यांच्या आदेशाला सिंधुदुर्ग जिल्ह्यातील अधिकारी कोणती अंमलबजावणी करतात की या आदेशाला केराची टोपी दाखवतात ते पाहणे आता येणाऱ्या पुढील काळात कुतूहलाचे ठरणार आहे.