🛑“AI सोबत शिक्षणात क्रांती :पालकमंत्री नितेश राणे यांच्या संकल्पनेतून सिंधुदुर्ग जिल्ह्यात 3200 शिक्षकांना एकाच दिवशी AI प्रशिक्षण”

🖋️लोकसंवाद /- कुडाळ.

सिंधुदुर्ग जिल्ह्यात आज शिक्षणक्षेत्रात एक नवा अध्याय लिहिला गेला! “शिक्षणाची पद्धत बदला – AI सोबत भविष्य घडवा” या संकल्पनेतून, जिल्ह्यातील सर्व प्राथमिक शाळांमधील ३२०० हून अधिक शिक्षकांना एकाच दिवशी कृत्रिम बुद्धिमत्ता (Artificial Intelligence – AI) विषयावर प्रशिक्षण देण्यात आले.

हा ऐतिहासिक उपक्रम सिंधुदुर्ग जिल्ह्याचे पालकमंत्री मा. नितेश राणे यांच्या संकल्पनेतून साकार झाला असून, जिल्हा परिषदेचे मुख्य कार्यकारी अधिकारी मा. रवींद्र खेबुडकर, प्राथमिक शिक्षणाधिकारी डॉ. गणपती कमळकर, प्रणय तेली ,शिक्षण विस्तार अधिकारी, केंद्रप्रमुख, तसेच एमकेसीएलचे अधिकृत प्रतिनिधी यांच्या संयुक्त प्रयत्नातून यशस्वीपणे पार पडला.

AI टूल्सचे थेट प्रात्यक्षिक : शिक्षकांनी अनुभवला “शिक्षणाचा नवा चेहरा”

या प्रशिक्षणात शिक्षकांना ChatGPT, Google Gemini, Bing AI, Magic School AI, Tome AI, Curipod, SlidesAI, Eduaide AI, YouTube Summary Tools, Image Generators, Voice-to-Text Tools यांसारख्या विविध उपयुक्त टूल्सची माहिती देण्यात आली. हे टूल्स विद्यार्थ्यांशी अधिक प्रभावी संवाद साधण्यासाठी आणि अध्यापन अधिक सर्जनशील करण्यासाठी अत्यंत उपयुक्त ठरणार आहेत.

सर्व शिक्षकांना यासंदर्भातील विशेष ई-बुक देखील देण्यात आले, जे AI टूल्सचे मार्गदर्शन आणि वापराचे सोपे पद्धतीने मार्गदर्शन करते.

आदर्श उपक्रमास मान्यवरांची उपस्थिती आणि शाबासकी

या कार्यक्रमासाठी कुडाळ येथे कोकण विभागाचे माननीय आयुक्त श्री. सूर्यवंशी, जिल्हाधिकारी, प्रांताधिकारी, तहसीलदार यांची उपस्थिती लाभली. त्यांनी या उपक्रमाचे भरभरून कौतुक केले आणि सांगितले की, “सिंधुदुर्ग जिल्हा हा शिक्षणात नावीन्यतेचा मार्ग दाखवणारा ठरतो आहे.”

पुढचा टप्पा : AI चा प्रत्यक्ष अनुभव प्रत्येक शिक्षकासाठी

या उपक्रमाचा पुढचा टप्पा म्हणून ६ ते १५ ऑगस्ट २०२५ या कालावधीत सिंधुदुर्ग जिल्ह्यातील सर्व अधिकृत एमएस-सीआयटी केंद्रांवर AI हँड्स-ऑन प्रॅक्टिकल सत्रे मोफत आयोजित करण्यात आली आहेत.
📍 स्थळ – जवळचे एमकेसीएल केंद्र
🕙 वेळ – सकाळी १० ते सायं. ६
💰 शुल्क – पूर्णतः मोफत

प्रशिक्षणाचा सकारात्मक प्रभाव : शिक्षक-विद्यार्थ्यांमध्ये नवसंजीवनी

या प्रशिक्षणाचा फायदा निश्चितच शिक्षकांना अध्यापन सुलभ व प्रभावी करण्यासाठी होणार आहे. त्यामुळे विद्यार्थ्यांच्या शिकण्याच्या प्रक्रियेत नावीन्य आणि आधुनिकता अनुभवता येणार आहे.
शिक्षकांनीही यावर समाधान व्यक्त करताना म्हटले – “हे प्रशिक्षण आमच्यासाठी डोळे उघडणारे ठरले. आता आम्ही आमच्या वर्गात नव्या तंत्रज्ञानाचा वापर करू शकतो.”

आभार व पुढील दिशा

या कार्यक्रमाच्या यशस्वी आयोजनानंतर प्रणय प्रभाकर तेली यांनी एमकेसीएलच्या वतीने मा. पालकमंत्री नितेश राणे, जिल्हा परिषदेचे सीईओ, शिक्षणाधिकारी आणि जिल्ह्यातील सर्व शिक्षकांचे मन:पूर्वक आभार मानले.

सिंधुदुर्ग जिल्हा आता “AI साक्षरता” या दिशेने ठाम पावले टाकत आहे – ही सुरुवातच भविष्यातील यशाचा आधार ठरणार आहे.

“MS-CIT powered by AI” – आता प्रत्येकासाठी नवीन युगाची तांत्रिक तयारी!

एमकेसीएलच्या MS-CIT या लोकप्रिय संगणक कोर्समध्ये आता आधुनिक AI टूल्सचा अधिकृत समावेश करण्यात आलेला आहे. यामुळे हा कोर्स केवळ संगणक साक्षरतेपुरता मर्यादित न राहता, AI साक्षरतेकडे महत्त्वाचे पाऊल म्हणून उभा राहत आहे.

“MS-CIT powered by AI” हा कोर्स आता प्रत्येक वयोगटातील व्यक्तींनी करून स्वतःला भविष्यासाठी सज्ज करणे आवश्यक असल्याचे आवाहन एमकेसीएलचे सिंधुदुर्ग जिल्हा समन्वयक प्रणय प्रभाकर तेली यांनी केले.
“AI ही केवळ भविष्यातली गोष्ट राहिलेली नाही, ती आपल्या आजच्या जीवनाचा भाग बनली आहे. प्रत्येकाने हे समजून घेणं आणि तिच्याशी चालणं गरजेचं आहे.” असे ते म्हणाले.