🛑तळाशील येथील गाज रिसॉर्टच्या काचा आज्ञताने फोडल्या.

🖋️लोकसंवाद /- आचरा.

मालवण तालुक्यातील तोंडवळी तळाशील येथील माजी सरपंच संजय केळूसकर यांच्या मालकीचे असलेल्या गाज रिसॉर्ट समोरील दर्शनी भागाच्या काचा रविवारी मध्यरात्री अज्ञाताने फोडल्याची घटना घडली आहे यात सुमारे केळूसकर यांचे सुमारे 30 हजाराचे नुकसान झाले आहे. या बाबतची तक्रार त्यांनी मालवण पोलीस ठाण्यात दिली आहे.

या बाबतची माहिती देताना संजय केळूसकर म्हणाले की आपण व पत्नी कामानिमित्त मुंबई येथे गेलो होतो आपला मुलगा घरी एकटाच होता रिसॉर्ट लगत असलेल्या घरात तो एकटाच होता रविवारी मध्यरात्री अज्ञातानी येऊन रिसॉर्टच्या दर्शनी भागाच्या काचा फोडल्या. हा सारा प्रकार सोमवारी सकाळी निदर्शनास आला. केळूसकर म्हणाले रिसॉर्ट मध्ये असणाऱ्या वस्तू जगेवरच आहेत यामागे चोरीचा उद्देश दिसत नाही. मात्र मला दहशत निर्माण करण्यासाठी, नाहक त्रास देण्यासाठी हा सारा प्रकार अज्ञाताने केलेला आहे याबाबत माझ्या मुलाने मालवण पोलीस ठाण्यात तक्रार दिली असून मालवण पोलिसांनी कसून तपासणी करावी अशी मागणी केली आहे.